Прарасійская актывістка Мірсалімава атрымала гіганцкі штраф — за «адзіночны пікет з БЧБ»
Прыгоды сталіністкі з Віцебска працягваюцца.
Падрабязнасцямі Эльвіра Мірсалімава падзялілася ў сваім фэйсбуку
«Маўляў, «там было за што»… Вось канкрэтыка. Першае абвінавачванне, па якім мяне асудзілі (штраф плюс двое сутак у ізалятары, на металічнай шконцы без матраца, з праверкамі ў кайданках за спіной, тварам да сцяны — за «рэабілітацыю нацызму» (3 скрыны):
— за перапост Уладлена Татарскага, дзе рускі воін-вызваліцель стаіць нагамі на сцягу УСУ са свастыкай (допіс, які паказвае на адзінства ўкраінскіх бандэраўцаў і нацызму)
— за гістарычныя фота, дзе людзі з бчб і партрэтам Гітлера сустракаюць фашысцкіх акупантаў (допіс, які паказвае на сувязь бчб і нацызму).
— за перапост, дзе фінскія легіянеры (напярэдадні ўступлення Фінляндыі ў НАТА) ідуць пад сцягам са свастыкай, (допіс, які паказвае на агульнасць Натаўцаў і нацызму).
Гэта былі антыфашысцкія і антынацысцкія допісы.
І другі артыкул — нешта накшталт «адзіночнага пікету з бчб». За публікацыю пастоў з ілюстрацыямі да маіх антыбчб-шных артыкулаў.
Суд праходзіў у адкрытым рэжыме, Публікацыя рашэння суда дазволена. Верце вачам сваім», — напісала яна.
Жанчыну аштрафавалі на 2600 рублёў
Мірсалімаву сёлета ў лютым ужо судзілі за парушэнне парадку правядзення масавых мерапрыемстваў, за распаўсюд так званай «экстрэмісцкай» інфармацыйнай прадукцыі і за «прапаганду або публічнае дэманстраванне, выраб, распаўсюд нацысцкай сімволікі або атрыбутыкі».
Эльвіра — адна з вядомых прарасійскіх актывістак. Раней яна казала, што беларусы — гэта рускія, а Сталін — вялікі дзеяч, і прапаноўвала паставіць яму помнік.
Хто такая Эльвіра Мірсалімава, якую ўжо нават лукашэнкаўцы вінавацяць у беларусафобстве
«Называлі палітычнай прастытуткай». Сталіністка Мірсалімава расказала пра два дні за кратамі
«Мне сорамна, што жанчыну адправілі за краты». Беларус, чыя скарга прывяла Мірсалімаву ў ізалятар, расказаў, што адбылося
Што за студэнтка Ульяна, з якой на балі вальсіраваў Лукашэнка?9
Каментары