Ізраільская паліцыя затрымала сястру лідара ХАМАС. Пры ператрусе знайшлі кілаграм золата і сотні тысяч шэкеляў
Ізраільская паліцыя заявіла пра затрыманне сястры лідара тэрарыстычнай арганізацыі ХАМАС Ісмаіла Ханіі.
Сабах Абдэль Салам Ханія была арыштаваная недалёка ад горада Беэр-Шэва на поўдні Ізраіля ў рамках расследавання крымінальнай справы аб тэрарызме. Адзначаецца, што ў расследаванні таксама брала ўдзел ізраільская служба ўнутранай разведкі «Шын Бэт», піша Bild.
Сцвярджаецца, што 57-гадовая Сабах Абдэль Салам Ханія «падазраецца ў кантактах з афіцыйнымі асобамі, а таксама ў падбухторванні і падтрымцы тэрарыстычных нападаў у Ізраілі».
Па даных паліцыі, праваахоўнікі канфіскавалі ў доме Ханіі дакументы, тэлефоны і доказы, якія звязваюць яе са здзяйсненнем сур'ёзных злачынстваў супраць бяспекі Ізраіля, кілаграмовы злітак золата і сотні тысяч шэкеляў.
Брат затрыманай Ісмаіл Ханія лічыцца лідарам ХАМАС. Ён кіруе тэрарыстычнай арганізацыяй не з самога сектара Газа, а з Катара.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай80
Каментары