Спорт

Беларусь мае пакуль усяго 16 алімпійскіх ліцэнзій

У 2021 годзе ў Алімпіядзе ў Токіа ўдзельнічалі 108 нашых спартоўцаў.

Фота: Міжнародны алімпійскі камітэт

У Баку ў нядзелю завяршылася еўрапейская алімпійская кваліфікацыя ў барцоў вольнага стылю. Беларускія спартоўцы заваявалі чатыры ліцэнзіі: Арыйан Цютрын (да 57 кг), Магамед Кадымагамедаў (да 74 кг), Аляксандр Гуштын (да 97 кг) і Дзяніс Храмянкоў (да 125 кг), паведамляе НАК Беларусі.

У цяжкай атлетыцы ў топ-10 сусветнага рэйтынгу па выніках старту на Кубку свету трапіла Сюзана Валадзько. Яна таксама атрымала пуцёўку ў Парыж.

Такім чынам, у беларускай каманды на сённяшні дзень 16 алімпійскіх ліцэнзій. Адборы на гульні ў іншых відах спорту працягваюцца, аднак засталося няшмат часу да Алімпіяды, якая стартуе 26 ліпеня.

У 2021 годзе ў Алімпіядзе ў Токіа ўдзельнічала 108 беларускіх спартоўцаў і гэта была самая правальная Летняя Алімпіяда для беларусаў у гісторыі. Яны заваявалі ўсяго сем медалёў, у тым ліку адно золата (Іван Літвіновіч, батут).

У Алімпіядзе ў Рыа-дэ-Жанейра ўдзельнічалі 124 беларусы. Яны прывезлі дзевяць узнагарод, у тым ліку золата ў скачках на батуце Уладзіслава Ганчарова.

Найбольшая колькасць беларусаў брала ўдзел у Алімпіядзе ў Пекіне: 181 чалавек, якія прывезлі 14 медалёў.

Да Алімпіяды дакладна не будуць дапушчаныя тыя спартоўцы, якія падтрымліваюць вайну ва Украіне, а таксама — якія маюць кантракты з вайсковымі ведамствамі. Аднак у кожным выпадку рашэнне будзе прымацца федэрацыямі відаў спорту.

Не зразумела пакуль, ці будуць удзельнічаць Арына Сабаленка і Вікторыя Азаранка.

Каментары

Цяпер чытаюць

«Існуе праект па стварэнні адзінага каталога франшыз Саюзнай дзяржавы». Як у Беларусь заходзяць расійскія сеткі крам і кафэ

«Існуе праект па стварэнні адзінага каталога франшыз Саюзнай дзяржавы». Як у Беларусь заходзяць расійскія сеткі крам і кафэ

Усе навіны →
Усе навіны

Марка Рубіа пагаварыў па тэлефоне з Лаўровым11

Прадстаўнікі адміністрацыі Трампа выпраўляюцца ў Саудаўскую Аравію для перамоў з расіянамі 10

Міністр спорту лічыць міжсабойчык беларускіх і расійскіх біятланістаў у Раўбічах альтэрнатыўным чэмпіянатам свету. І вось чаму4

«Фота кватэры пенсіянеркі, якая чакае званка ад махляроў». Найлепшыя твіты тыдня8

У Вялікабрытаніі навучыліся амаль цалкам аднаўляць літый і графіт з выкарыстаных батарэй электрамабіляў2

Вы ў Польшчы? Значыць, лёгка можаце падтрымаць «Нашу Ніву» падаходным падаткам, не патраціўшы сваіх грошай. Вось як13

Навукоўцы б'юць трывогу: ледзяны шчыт Грэнландыі паскорана расколваецца4

Польская паліцыя закрыла справу, заведзеную пасля суіцыду беларуса ў Варшаве

Оле-Эйнар Б'ёрндален больш не рэкардсмен па перамогах на чэмпіянатах свету

больш чытаных навін
больш лайканых навін

«Існуе праект па стварэнні адзінага каталога франшыз Саюзнай дзяржавы». Як у Беларусь заходзяць расійскія сеткі крам і кафэ

«Існуе праект па стварэнні адзінага каталога франшыз Саюзнай дзяржавы». Як у Беларусь заходзяць расійскія сеткі крам і кафэ

Галоўнае
Усе навіны →

Заўвага:

 

 

 

 

Закрыць Паведаміць