Сцяг, пад якім на Алімпійскіх гульнях у Парыжы будуць выступаць спартсмены з Беларусі і Расіі
Пры гэтым МАК заявіў, што не будзе патрабаваць ад расійскіх і беларускіх спартсменаў для ўдзелу ў спаборніцтвах асуджэння развязанай Расіяй пры садзейнічанні рэжыму Лукашэнкі вайны ва Украіне.
У той жа час МАК паведаміў, што разгледзіць пытанне санкцый за ўдзел у Гульнях дружбы, якія Расія хоча арганізаваць як альтэрнатыву Алімпіядзе.
Расійскіх і беларускіх спартсменаў, якія адбяруцца на Алімпіяду-2024 ў Парыжы, не дапусцяць да ўдзелу ў цырымоніі адкрыцця Гульняў. Адносна цырымоніі закрыцця рашэнне будзе прынята пазней.
Іхнія медалі, у выпадку перамог, не будуць адлюстроўвацца ў агульным заліку. Узнагароджанне, калі нехта заваюе залаты медаль, будзе праходзіць пад музыку без слоў.
На сённяшні дзень, па афіцыйнай інфармацыі МАК, на гульні адабраліся 12 спартсменаў з Расіі і 7 — з Беларусі. Максімальная колькасць можа быць адпаведна 55 і 28 — гэта тыя спартсмены, якія яшчэ не страцілі прынамсі тэарэтычных шанцаў здабыць ліцэнзіі.
Чытайце таксама:
Скакуха Мірончык-Іванова: Алімпійскія гульні без нас, без наймацнейшых — гэта не Алімпіяда
Беларусам дазволілі ўдзельнічаць у Паралімпіядзе ў нейтральным статусе
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)