Свет33

Пашынян заклікаў адмовіцца ад «гістарычнай Арменіі» на карысць рэальнай Арменіі

«Урад і я асабіста прыйшлі да высновы, што гістарычная Арменія і рэальная Арменія не толькі несумяшчальныя, але часцяком супярэчаць адна адной і нават ствараюць сур'ёзныя пагрозы адзін для аднаго», — пра гэта ў парламенце заявіў прэм'ер-міністр Нікол Пашынян, піша news.am.

Скрыншот відэа news.am

Кіраўнік Кабінета міністраў растлумачыў, што ён і ўрад, доўгі час з'яўляючыся носьбітамі псіхалогіі і традыцый гістарычнай Арменіі, толькі ў 2022 годзе зафіксавалі, што ключавы фактар бяспекі Арменіі — міжнародна прызнаныя межы, міжнародна прызнаная тэрыторыя Арменіі — ігнаруецца.

«Хоць дэбаты, якія праходзяць у гэтай зале з 2021 года, могуць здацца грамадскасці апалітычнымі і бессэнсоўнымі, на самай справе яны маюць сур'ёзны змест і стратэгічную глыбіню, бо ў гэтых дэбатах сутыкаюцца два пункты гледжання», — адзначыў прэм'ер-міністр.

Адзін з гэтых пунктаў гледжання Пашынян падвёў пад формулы гістарычнай Арменіі, другі — рэальнай Арменіі. Гэтыя дэбаты пачаліся пасля вайны 2020 года.

«Да 44-дзённай вайны ў Арменіі існаваў грамадска-палітычны кансэнсус у дачыненні да таго, што гістарычная і рэальная Арменія могуць нават узмацняць адна адну. Гэты пункт гледжання быў прымальны і для кіроўнай большасці, і для мяне асабіста», — дадаў ён.

Нікол Пашынян растлумачыў, што толькі пасля вераснёўскіх ваенных дзеянняў 2023 года канчаткова пераканаўся, што фіксацыя міжнародна прызнанай тэрыторыі Арменіі можа стаць вырашальным у гарантаванні бяспекі краіны.

З гэтага моманту пачаўся актуальны палітыка-псіхалагічны працэс, які кіраўнік урада назваў працэсам дэлімітацыі паміж сапраўднай Арменіяй і гістарычнай Арменіяй. «Гэты працэс не лягчэй, чым працэс дэлімітацыі мяжы паміж Арменіяй і Азербайджанам», — падкрэсліў ён.

Прэм'ер-міністр прыйшоў да высновы, што гістарычная Арменія не прызнае тэрытарыяльную цэласнасць рэальнай Арменіі, паколькі тэрытарыяльная цэласнасць рэальнай Арменіі з'яўляецца абмежавальным фактарам для гістарычнай Арменіі.

«У гэтым сэнсе гістарычная Арменія воляй-няволяй пераклікаецца з шэрагам краін, якія прэтэндуюць на рэальны суверэнітэт і тэрыторыі Арменіі, бо тэрытарыяльная цэласнасць рэальнай Арменіі, міжнародна прызнаная мяжа з'яўляюцца такім жа абмежавальным фактарам для апетытаў гэтых краін», — сказаў на заканчэнне Нікол Пашынян.

Нагадаем, што ў верасні 2023 года ў ходзе маланкавай вайны капітуляваў Нагорны Карабах, а армянскае насельніцтва эвакуявалася ў Арменію, а прэзідэнт Азербайджана Ільхам Аліеў урачыста потым узняў сцяг Азербайджана ў Ханкендзі (Сцепанакерце).

Сёння Пашынян заявіў, што ва ўладаў Нагорнага Карабаху была магчымасць уступіць у дыялог з Азербайджанам, аднак яны не пайшлі на гэта.

«Магчымасць пачаць размову з Азербайджанам была яшчэ на еўрапейскіх пляцоўках, аднак Нагорны Карабах не пайшоў на гэта, бо забаранілі. І гэта не я забараніў. Я б не змог і не захацеў», — сказаў Пашынян.

Ён так і не патлумачыў, хто менавіта забараніў Сцепанакерту весці дыялог з Баку. Ён таксама лічыць, што некаторыя колы ў Нагорным Карабаху не змаглі адэкватна рэагаваць на сітуацыю, якая склалася.

Каментары3

  • ff
    10.04.2024
    Хто забаранiу, хто усюды муцiць воду -россотрудничество.
  • Вася
    10.04.2024
    Усё гэта называецца абмен тэрыторыі на мір
  • Тугрик
    10.04.2024
    Нужно вернуть земли Азербайджану для коридора в Нахичевань.

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць