Ці былі значныя фальсіфікацыі падчас падліку галасоў на папярэдніх прэзідэнцкіх выбарах?
«Я вас засмучу: не. Значных — не. Я не веру, што калі за мяне прагаласуюць 10%, то можна напісаць, што 80%. І адваротнае. Не веру, што калі за кагосьці прагаласуюць 80%, напішуць 5%. Я проста ў гэта не веру.
Можна напісаць не 60%, а 70%. Не 15%, а 10%. Я ўпэўнены ў прыблізнай дакладнасці. Хібнасць — ну, у межах 20%.
Напэўна, я крыўджу многіх, хто ўдзельнічаў, — хай гэта лічыцца маёй наіўнасцю, — я не веру ў магчымасць масавых фальсіфікацый народнага галасавання»,
— заявіў патэнцыйны кандыдат у прэзідэнты Віктар Бабарыка на прэс-канферэнцыі ў Мінску.
«Калі людзі не прагаласуюць за мяне, ну што зробіш. У мяне ёсць свая праграма, у мяне ёсць свая аргументацыя, бачанне праблемы. Але калі яны будуць не пераканаўчыя, то што зробіш», — сказаў ён.
Адказаў Бабарыка і пра магчымасць рэпрэсій у адносінах яго прыхільнікаў. Як ён зможа іх абараніць?
«Я лічу міфатворчасцю масавыя рэпрэсіі», — лічыць ён.
«У нашым штабе няма сакрэтаў, мы не займаемся супрацьпраўнай дзейнасцю, каб выклікаць рэпрэсіі.
Любы ціск будзе апублікаваны. Усё кепскае баіцца ценю. Мы паспрабуем асвятліць цёмныя месцы.
Я быў менеджарам 20 год. Я паляўнічы, у мяне ёсць патроны. Калі вы думаеце, што за 20 гадоў у мяне няма кантролю з КДБ, гэта смешна. У мяне быў куратар з КДБ у банку. 27 год пад каўпаком. Але я не ведаю, за якія грахі можна пасадзіць. Страх у нас у галовах», — сказаў ён.
«Ніякага пераследу членаў штаба не будзе, а калі будзе, мы будзем звяртацца ў міліцыю», — запэўніў Бабарыка.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА116
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары