Маладзенькай беларускамоўнай настаўніцы пагражае да 10 гадоў турмы за падтрымку Украіны і ўдзел у пратэстах
Яе імя з'явілася ў раскладзе судоў.
Затрыманай Дар'і Хмяльніцкай 23 гады, родам яна з Мінска. Жыла ў раёне Лошыцы, але вучылася ў 12-й гімназіі ў Мінску.
Пасля паступіла на філфак БДУ на спецыяльнасць «усходняя філалогія», вучыла кітайскую мову. Яе дыплом быў прызнаны адным з найлепшых дыпломаў філфака 2022-га. У 2023-м скончыла магістратуру філфака БДУ. Пасля заканчэння ўніверсітэта Дар'я размеркавалася ў Інстытут канфуцыя БДУ.
Таксама яна ўдзельнічала ў конкурсах па напісанні эсэ і перакладах на беларускую мову. Летась яна заняла другое месца на конкурсе «Зярцала словаў» у катэгорыі «мастацкі пераклад кітайскай прозы на беларускую мову».
Дар'я захапляецца кітайскай культурай і вядзе блог пад нікнэймам «Кніжны цмок», дзе піша ўласныя фанфікі (творы па матывах іншых вядомых кніг, фільмаў, гульняў і г.д.) на беларускай мове і распавядае пра сваё жыццё. Апошняя публікацыя там датуецца 13 мая 2023 года.
Невядома, калі Дар'ю затрымалі, але, імаверна, увосень 2023-га. Яе вінавацяць па двух артыкулах — ч.1 арт 342 КК і ч. 2 арт. 361-3.
Першы артыкул — арганізацыя дзеянняў, якія груба парушаюць грамадскі парадак, ці ўдзел у іх. Другі — вярбоўка, навучанне, іншая падрыхтоўка або выкарыстанне беларусаў для ўдзелу на тэрыторыі іншай дзяржавы ў вайне, а таксама фінансаванне або іншае матэрыяльнае забеспячэнне такой дзейнасці. Яго звычайна даюць тым, хто нейкім чынам дапамагаў Украіне.
Суд над дзяўчынай пачнецца 22 красавіка ў Мінскім гарадскім судзе.
«Наша Нiва» — бастыён беларушчыны
ПАДТРЫМАЦЬЦяпер чытаюць
Сёстры Груздзевы цяпер важаць пад 100 кілаграмаў кожная13
Сёстры Груздзевы цяпер важаць пад 100 кілаграмаў кожная
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары
І без палітычных крокаў і перспектывы ў гэтага выступу нулявыя. А калі хтосьці з іх зойдзе ў Беларусь, у якой нічога палітычна не змянілася, гэтае падраздзяленне апынецца знішчаным беларускім войскам.
Але папаўняць шэрагі добраахвотнікаў трэба. І данаціць трэба. Аднак досыць вярзці лухту