Грамадства77

«Інфармацыі аб пераследзе рускіх ва Украіне няма». Беларускі суд адмовіў у бежанстве 70-гадовай жанчыне з Бярдзянска

70-гадовая грамадзянка Украіны — руская па нацыянальнасці — папрасіла аб абароне ў Беларусі. Дэпартамент па грамадзянстве і міграцыі даў ёй дадатковую абарону, але адмовіў у статусе бежанца. Яна падала скаргу, а суд устаў на бок Дэпартамента. «Медыязона» вывучыла дакумент па гэтай справе, апублікаваны ў Банку судовых рашэнняў.

У красавіку 2022 года грамадзянка Украіны Любоў Шапавалава (так, як даведалася «Наша Ніва», завуць жанчыну) звярнулася ва ўпраўленне па грамадзянстве і міграцыі аднаго з беларускіх аблвыканкамаў з просьбай аб статусе бежанца, дадатковай абароне або прытулку ў Беларусі.

У студзені 2023 года Дэпартамент па міграцыі даў ёй дадатковую абарону на адзін год, але адмовіў у бежанстве з-за адсутнасці падстаў. Жанчына вырашыла аспрэчыць адмову ў судзе. 

З судовага дакумента вядома, што жанчына нарадзілася ва Украіне (мяркуючы па ўсім, у Запарожскай вобласці), але па нацыянальнасці — руская. Яна выйшла на пенсію, у яе дзве дачкі: адна жыве ў Польшчы, другая — ва Украіне.

У Беларусь жанчына прыехала «транзітам праз тэрыторыю РФ». Калі менавіта, невядома, гэтыя даныя ў рашэнні суда зашыфраваныя, але па кантэксце дакумента можна зрабіць выснову, што гэта здарылася пасля пачатку поўнамаштабнай вайны.

Аб абароне ў Беларусі Любоў Шапавалава папрасіла, бо «не жадае вяртацца» ва Украіну «ў сувязі з асцярогамі за сваё жыццё з прычыны ўзброенага канфлікту, які там адбываецца». 

Пры запаўненні анкеты і падчас сумоўя яна не згадвала, што баіцца пераследаў ва Украіне па прыкмеце нацыянальнасці, гаворыцца ў рашэнні. 

«Рускія складаюць 17,3 % насельніцтва У.. Інфармацыі аб пераследах рускіх па нацыянальнасці ва У., у тым ліку пасля пачатку «спецыяльнай ваеннай аперацыі» Р.Ф. супраць У., у агульнадаступных і дакладных крыніцах няма.

Аб адсутнасці пераследаў па нацыянальнай прыкмеце сведчыць таксама тое, што сястра заяўніка пражывае ва У. і не падвяргаецца якім-небудзь пераследам або дыскрымінацыі», — напісана ў судовым дакуменце. 

У рашэнні ўказана, што ў скарзе Любоў прыводзіла довады аб адносінах украінцаў да Расіі і яе грамадзян, якія пражываюць там, а не да рускіх, якія жывуць ва Украіне.

Суд прыводзіць статыстыку, што 60% насельніцтва Украіны вызнаюць праваслаўе, як і сама Шапавалава. Інфармацыі аб пераследзе праваслаўных ва Украіне «ў агульнадаступных і дакладных крыніцах няма», гаворыцца ў рашэнні. Акрамя таго, суд устанавіў, што жанчына ніколі не падвяргалася пераследу або дыскрымінацыі з боку ўкраінскіх уладаў. 

Статус уцекача ў Беларусі даецца замежніку, які можа «стаць ахвярай пераследу ў дзяржаве грамадзянскай прыналежнасці па прыкмеце расы, веравызнання, грамадзянства, нацыянальнай прыналежнасці, прыналежнасці да пэўнай сацыяльнай групы або палітычных перакананняў, які не можа ці не жадае ў сілу такіх асцярог карыстацца абаронаю гэтай дзяржавы». 

А дадатковую абарону могуць атрымаць тыя замежнікі, у якіх няма падстаў для статусу бежанца, але ёсць «абгрунтаваныя асцярогі сутыкнуцца пры вяртанні ў дзяржаву грамадзянскай прыналежнасці з пагрозай смяротнага пакарання, катаванняў і іншых жорсткіх, бесчалавечных ці прыніжаючых годнасць відаў абыходжання і пакарання або з пагрозай, якая ўзнікла з прычыны гвалту ва ўмовах узброенага канфлікту міжнароднага ці неміжнароднага характару». 

Суд прыйшоў да высновы аб правамернасці дзеянняў дэпартамента — «здзейсненыя ў адпаведнасці з дзеючым заканадаўствам, з улікам інфармацыі аб Украіне, у межах прадстаўленых паўнамоцтваў» – і пакінуў у сіле рашэнне аб адмове ў бежанстве.

Раней беларускі суд адмовіў даць статус уцекачоў латвійскай сям’і, якая расказвала прапагандзе пра гаротнае жыццё на Захадзе. Суд таксама рашыў, што ў Латвіі ім «нічога не пагражае». 

Каментары7

  • ЯБеларускі
    04.04.2024
    Яна яшчэ і хлусіць! Можа лепш бы на историческую Родину паехала?
  • Ваша iмя
    04.04.2024
    Et tu, Luka?
  • Хмм
    04.04.2024
    У Беларусь жанчына прыехала «транзітам праз тэрыторыю РФ».

    Што яна забылася ў Беларусі?
    Прыехала ў Расею - там і заставайся. Навошта пасля гэтага было яшчэ і ў Беларусь ехаць?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?1

«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?

Усе навіны →
Усе навіны

У Кіеве развіталіся з беларускім добраахвотнікам «Месяцам»

Як Крэмль выдае старыя відэа з Пуціным за новыя сустрэчы, у тым ліку і перад сустрэчай з Уіткафам2

«З'ездзілі за дзень 8 разоў». Што робіцца на польскай мяжы, дзе прадавалі выезд без чаргі1

Нідэрландцы ціха пераходзяць на чатырохдзёнку. Што паказвае іх досвед?4

«Аддалі ўвесь заробак» vs «усё аплаціла дзяржава». Зборы ў школу ў Беларусі і ў Польшчы5

«Сярод расіян назіраецца стома». Летняе наступленне расійскай арміі ва Украіне правалілася13

«Не бачыў іншага выйсця». Бацька праз суд вырашыў адмовіцца ад праблемнага сына6

У Ашмянах хлопец расказаў жонцы пра сваю здраду. Той таксама было што расказаць — заведзена крыміналка28

Агент Дудкін расказаў, якія агенты самыя небяспечныя. Спойлер: не ён10

больш чытаных навін
больш лайканых навін

«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?1

«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?

Галоўнае
Усе навіны →

Заўвага:

 

 

 

 

Закрыць Паведаміць