Расійскі вайсковец згвалціў уцякачку з Украіны. Яна нарадзіла дзіця і пакінула яго ў смеццевым баку
Адпаведную справу пачалі ў «адным з паўднёвых гарадоў Расіі», даведалася «Новая газета Балтия». Выданне не ўдакладняе, дзе гэта было менавіта, а таксама не называе імя пацярпелай жанчыны ў мэтах бяспекі. Пра згвалтаванне выданню расказала адвакатка жанчыны па прызначэнні; яе імя таксама не паведамляецца, піша «Медуза».
Паводле наяўнай інфармацыі, жыхарка Украіны выехала ў Расію ў жніўні 2022 года пасля таго, як расійскія вайскоўцы разбурылі яе горад. Даведаўшыся пра цяжарнасць, пацярпелая не наважвалася на аборт — у тым ліку і таму, што «нейкі псіхолаг» ёй сказаў, што «тут няма адзінага дакладнага рашэння, напалову гэтае дзіця ўсё ж тваё».
Жанчына нарадзіла дзіця ў сакавіку 2023 года ў кватэры сваякоў, у якой жыла. На наступны дзень яна выкінула немаўля ў смеццевы бак.
Пасля таго як дзіця знайшла мясцовая жыхарка, маці адсачылі па камерах. Цяпер яе абвінавачваюць у замаху на забойства малалетняга, па гэтым артыкуле ёй пагражае да 20 гадоў пазбаўлення волі. У якасці меры стрымання суд абраў арышт у СІЗА.
Украінская пракуратура, паводле звестак на сакавік 2023 года, расследуе як мінімум 171 выпадак сэксуалізаванага гвалту расійскіх вайскоўцаў над украінкамі і ўкраінцамі. Узрост пацярпелых ад гвалту, як паведамляла ААН, вар'іруецца ад 4 да 82 гадоў.
Памілаваны Пуціным за ўдзел у вайне гвалтаўнік затрыманы за гвалт над 14-гадовай школьніцай
«Будзеш палявой жонкай». Жанчын на вайне «размяркоўваюць» для ўцех афіцэраў
Генпракуратура Украіны абвінаваціла расійскіх салдат у згвалтаванні чатырохгадовай дзяўчынкі і яе маці на вачах у бацькі — Reuters
Пакаранне 14-гадовага хлопчыка, сэксуальны гвалт над 4-гадовай дзяўчынкай. Што камісія ААН распавяла аб ваенных злачынствах ва Украіне
«Украінскіх баб гвалтуй». Такую інструкцыю расійскі дэсантнік Раман Быкоўскі атрымаў ад жонкі
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары