Грамадства1414

Амаль Гродна і Брэст разам узятыя. Вось колькі беларусаў выехала за апошнія гады

Пры гэтым рэальныя лічбы могуць быць яшчэ большыя.

Старшы даследчык Цэнтра новых ідэй Генадзь Коршунаў прааналізаваў адкрытыя даныя і назваў новую лічбу тых, хто пакінуў Беларусь пасля 2020 года.

Па стане на люты 2024 года ў польскай сістэме ZUS — гэта аналаг беларускага ФСАН — было зарэгістравана 130 тысяч беларусаў. Столькі ж грамадзян нашай краіны мелі дазвол на жыхарства ў Польшчы. Вядома, што ў 2020-м такіх было ўсяго 17 тысяч, піша Коршунаў для Цэнтра новых ідэй.

Такім чынам, базавай колькасцю беларусаў, якія з'ехалі ў Польшчу, можна лічыць 113 тысяч чалавек.

Пры гэтым, на думку Коршунава, у гэтай статыстыцы не хапае яшчэ некалькіх дзясяткаў тысяч беларусаў, якія ў гэты момант чакаюць ДНЖ у Польшчы, паколькі тэрміны выдачы дазволаў расцягнуліся з-за вялікага наплыву замежнікаў.

У Літве па стане на люты 2024 года дазвол на жыхарства мелі 63 тысячы беларусаў, афіцыйна працаўладкаваныя 48 тысяч. У канцы 2020 года ў гэтай краіне жыло менш за 18 тысяч беларусаў. Такім чынам, памер новай міграцыі беларусаў у Літву складае каля 45 тысяч чалавек. І гэта таксама хутчэй мінімальная планка.

У Германію за апошнія гады пераехала 6-8 тысяч беларусаў, у Ізраіль па стане на 2022 год — 3,6 тысячы чалавек, пры гэтым колькасць працягвае расці. У Грузію перабраліся недзе 10-11 тысяч беларусаў. Паводле ацэнкі Коршунава, у краіны ЕС, акрамя Польшчы і Літвы, перабраліся каля 20 тысяч беларусаў.

Такім чынам, атрымліваецца агульная колькасць у 220 тысяч беларусаў, якія з'ехалі ў заходнім кірунку.

Папулярным кірункам з'яўляецца і ўсходні. Падлічыць колькасць беларусаў, якія з'ехалі ў Расію, складана праз асаблівасці статыстыкі. Паводле звестак МУС Расіі, у 2022 годзе ў гэтай краіне жылі 430 тысяч беларусаў, паводле звестак Еўразійскай эканамічнай камісіі — 173 тысячы. Коршунаў лічыць, што эміграцыя з Беларусі ва ўсходнім кірунку можа быць цалкам супастаўная па памерах з заходнім кірункам.

Такім чынам, па стане на пачатак 2024 года можна абгрунтавана ацаніць агульную колькасць беларускай эміграцыі прыкладна ў 500-600 тысяч чалавек.

Гэта каля 6-7% ад агульнай намінальнай/афіцыйнай колькасці насельніцтва краіны па версіі Белстата. Ці амаль Гродна і Брэст разам.

Каментары14

  • геник
    08.05.2024
    трэба яшчэ дадаць тых хто працуе анлайн на замежныя и расейския фирмы - яны (я у гэтым шэрагу таксама) пляцяць таки-сяки падатак, але не удзельничаюць у "будауництве" краины. Расея высмоктвае тых хто з галавой, прапануюць большыя грошы и запрашаюць у Маскву. Туды едуць нават и прациуники русафобы, бо грошы не пахнуць. У Беларуси няма каму працаваць,  гэта видаць па рэкламе - усюды прапануюць працу, раней такога небыло.
  • все довольны
    08.05.2024
    Лукашенко цветёт и пахнет, выгнал милион беларусов, рождаемость довёл до уровня 1943 года и радуется этому.
    Оставшиеся беларусы в Беларуси тоже рады.
  • Крокус
    08.05.2024
    все довольны, нет никакой Беларуси, есть РБ - вотчина семьи Лукашенко, под присмотром Путина

Што чакае Беларусь у бліжэйшыя пяць гадоў? А Расію і Еўропу? Спецдакладчык ААН па Беларусі дае свой расклад5

Што чакае Беларусь у бліжэйшыя пяць гадоў? А Расію і Еўропу? Спецдакладчык ААН па Беларусі дае свой расклад

Усе навіны →
Усе навіны

У Аляксандра Чарнухі днямі выходзіць новая кніга. Пра што гэтыя апавяданні?

На першых сёлетніх таргах Sotheby's будуць прадаваць карціну Шагала

Тыкток у захапленні ад працавітасці гэтага беларуса: два гады ён біўся над тым, каб вывесці ідэальную «салодкую бульбу»7

На праспекце Машэрава ў Мінску моцна сутыкнуліся два аўтамабілі ВІДЭА

Паказалі, як будуць выглядаць будучыя станцыі метро ў Зялёным Лузе ФОТЫ3

Карпенка абвінаваціў Бондараву і кампанію ў нацыяналістычных выпадах. Яны патрабавалі дадаць у бюлетэні рускую мову14

Мэл Гібсан: Мой дом згарэў у Лос-Анджэлесе, а нашыя падаткі пайшлі на гель для валасоў губернатара Каліфорніі7

Кадыраў прайграў вайну за Wildberries: расійскі суд пакінуў кампанію за заснавальніцай

Экс-гулец чэмпіянату Беларусі пераходзіць у «Манчэстэр Сіці»1

больш чытаных навін
больш лайканых навін

Што чакае Беларусь у бліжэйшыя пяць гадоў? А Расію і Еўропу? Спецдакладчык ААН па Беларусі дае свой расклад5

Што чакае Беларусь у бліжэйшыя пяць гадоў? А Расію і Еўропу? Спецдакладчык ААН па Беларусі дае свой расклад

Галоўнае
Усе навіны →