Лукашэнка звольніў Віктара Гулевіча з пасады начальніка Генштаба
54-гадовы генерал займаў гэту пасаду з сакавіка 2021 года.
Адстаўка тлумачыцца ўзростам Гулевіча.
Віктар Гулевіч звольнены з вайсковай службы ў запас з правам нашэння вайсковай формы адзення і знакаў адрознення.
Віктар Гулевіч — ураджэнец Слуцкага раёна, у 1990 годзе скончыў Маскоўскае вышэйшае агульнавайсковае каманднае вучылішча. Потым кароткі час служыў у Закаўказскай вайсковай акрузе, а пасля распаду СССР вярнуўся на радзіму.
Вайсковую кар'еру рабіў у сілах спецыяльных аперацый, праходзячы паслядоўна ўсе прыступкі. У 2011 годзе ў званні палкоўніка ўзначаліў 38-ю асобную гвардзейскую мабільную брыгаду. Затым служыў намеснікам камандуючага — начальнікам аддзела баявой падрыхтоўкі камандавання сіл спецыяльных аперацый, намеснікам камандуючага сіламі спецыяльных аперацый, начальнікам штаба — першым намеснікам камандуючага сіламі спецыяльных аперацый Узброеных Сіл Беларусі.
21 лютага 2020 года прызначаны камандуючым войскамі Заходняга аператыўнага камандавання Узброеных сіл Рэспублікі Беларусь, а 11 сакавіка 2021-га стаў другім чалавекам у войску, заняўшы пасаду начальніка Генеральнага штаба Узброеных сіл Рэспублікі Беларусь — першага намесніка міністра абароны Рэспублікі Беларусь
Паводле інфармацыі нашых крыніц, у 2022 годзе Віктар Гулевіч быў сярод тых чыноўнікаў і вайскоўцаў, якія не хацелі ўступлення Беларусі ў вайну ва Украіне на баку Расіі.
«У Генштабе больш рэалістычна ацэньвалі, як гэта будзе разгортвацца, як будуць працякаць баявыя дзеянні, што гэта такое — штурмаваць трохмільённы Кіеў і пазіцыі на Данбасе, якія ўкраінцы рыхтавалі да абароны 8 гадоў. З другога боку, там [у Генштабе] разумелі і настроі беларускіх вайскоўцаў, у якіх, як і ва ўсяго грамадства, маса сваякоў ва Украіне, маса саслужыўцаў і аднагрупнікаў, з якімі яны на кантакце, а таксама [ў вайскоўцаў] няма, у адрозненне ад рускіх, маналітнага разумення, чаму трэба забіваць украінцаў».
Хто ў акружэнні Лукашэнкі выступаў за ўступленне ў вайну, а хто быў супраць
Мінаабароны ў відэа пра вучэнні з ядзернай зброяй паспрабавала заблюрыць самалёт, але нешта пайшло не так
Лукашэнка давёў генералам, што Польшча і Літва значна горшыя нават за вайну ва Украіне
Пачалася раптоўная праверка гатоўнасці сіл і сродкаў носьбітаў тактычнай ядзернай зброі
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары