Музыка1818

Экс-баец Палка Каліноўскага Сяргей Бяспалаў штогод прадказвае вынікі Еўрабачання — агулам зарабіў $2000-3000

Блогер Сяргей Бяспалаў ужо 12 гадоў прадказвае вынікі Еўрабачання і робіць стаўкі — кажа, што памыліўся з пераможцам толькі адзін раз. Мы распыталі Бяспалава, як гэта ў яго атрымліваецца.

Сяргей Бяспалаў

Еўрабачанне-2024 прынесла Сяргею найвялікшы бонус за ўвесь час — ён выйграў на стаўках ажно 700 даляраў, але і паставіў шмат. І ўсё праз тое, што перамагла Швейцарыя. Бяспалаў не меў у гэтым сумневаў, пакуль, кажа ён, букмекеры не пачалі маніпуляваць стаўкамі.

На думку Сяргея, прычын тут некалькі: моцная песня і голас выканаўцы, а таксама нейтральны статус Швейцарыі, у якой шмат саюзнікаў. І яшчэ небінарны статус швейцарскага прадстаўніка — маўляў, такіх пераможцаў на Еўрабачанні яшчэ не было. Але не толькі гэта, тлумачыць беларус:

«Акрамя нумара і голаса, ёсць чалавечы фактар. У Еўропе паўсюль крызіс, а Швейцарыя ўсё ж можа прыняць Еўрабачанне ў адрозненне, напрыклад, ад Украіны, у якой ідзе вайна. У Украіны таксама быў добры і моцны нумар, але яны ўжо выйгравалі ў 2022-м, так хутка яны не могуць выйграць.

Еўрабачанне — гэта ўсё ж такі конкурс папсовай песенькі. Калі б гэта было нешта рокавае ці альтэрнатыва, магла б перамагчы і Ірландыя ці Харватыя. Было толькі некалькі выключэнняў, тыя ж Lordi, але ж збольшага перамагае поп-музыка».

Фота сёлетніх чэкаў са стаўкамі: фэйсбук Сяргея Бяспалава

Бяспалаў расказвае, што ўпершыню перамог, калі паставіў у 2012-м каля 50 даляраў на Loreen. У 2016-м ён паставіў 10 даляраў на Джамалу і выйграў 100, прадказаў і перамогу аўстрыйкі Канчыты Вурст. Сяргей вызначае пераможцу і па ўласных адчуваннях, і праз аналіз выступаў — перш за ўсё ён глядзіць на голас, песню і пастаноўку нумара. Важна і тое, каб песня зачапіла.

За ўвесь час Бяспалаў зарабіў на Еўрабачанні недзе 2-3 тысячы даляраў. Памыліўся толькі аднойчы. У 2017 годзе перамагла Партугалія, а Сяргей тады ставіў на Італію. Але прайграў няшмат, недзе 50 даляраў. 

«Ніколі не рабіў буйных ставак, толькі сёлета. Проста я зрабіў некалькі ставак на Швейцарыю, а потым пераблытаў іх з чэкамі і выкінуў. Тады на эмоцыях я зрабіў буйную стаўку, бо быў проста ўпэўнены, што Швейцарыя пераможа. А так я звычайна стаўлю не больш за 3-5% ад заробку і стараюся ставіць толькі на Еўрабачанне», — кажа Бяспалаў.

«Наша Нiва» — бастыён беларушчыны

ПАДТРЫМАЦЬ

Каментары18

  • безпальцева
    12.05.2024
    бачна - выключна за ідэю ў ПК быў таварыш
  • Асцярожней
    12.05.2024
    Дарэмна ты, хлопча, чэкі посціш. Так вораг можа даведацца, у якія букмекерскія пункты ходзіш. Беражы сябе, зямляк!
  • ром
    12.05.2024
    Не новость.. а пиз..ц
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стэнаграма рэзкай размовы Трампа, Вэнса і Зяленскага18

Стэнаграма рэзкай размовы Трампа, Вэнса і Зяленскага

Усе навіны →
Усе навіны

Мінчук скраў ля крамы пральную машыну, а пасля дабіраўся з ёй да дома на трох машынах1

«Прывязалі люкі і скінулі ў раку». Раскрылі забойства, якое адбылося ў 2001 годзе ў Брэсце2

У Магілёве цырульніца выпадкова зрэзала радзімку на шыі хлопчыка. Мама праз суд запрасіла з майстра 7000 рублёў2

Лукашэнка паўшчуваў Галоўчанку і Снапкова на нарадзе па цэнах3

Эфект дня нараджэння. Чаму верагоднасць памерці ў гэты дзень вышэйшая, чым у любы іншы6

З Мінска гэтай зімой вывезлі ў 530 разоў менш снегу, чым год таму1

Стармер збірае ў Лондане еўрапейскіх лідараў і Зяленскага, каб прыняць рашэнні па выніках перамоў з Трампам

Microsoft афіцыйна закрывае Skype пасля 22 гадоў працы месенджара5

Лукашэнка сказаў, што людзям павінны быць па кішэні бульба, цыбуля і капуста, але не авакада10

больш чытаных навін
больш лайканых навін

Стэнаграма рэзкай размовы Трампа, Вэнса і Зяленскага18

Стэнаграма рэзкай размовы Трампа, Вэнса і Зяленскага

Галоўнае
Усе навіны →

Заўвага:

 

 

 

 

Закрыць Паведаміць