Ён меў доступ да 37 спраў з дзяржтаямніцай.
Збеглы ў Беларусь суддзя Томаш Шміт у Польшчы будзе завочна арыштаваны на тры месяцы.
Такое рашэнне прыняў Варшаўскі суд па прадстаўленні пракуратуры, піша wiadomosci.wp.pl.
Шміт, які да ўцёкаў працаваў суддзёй Ваяводскага адміністрацыйнага суда Варшавы, раней быў пазбаўлены імунітэту.
Яму выстаўлена абвінавачанне ў супрацоўніцтве з замежнай разведкай — гэты артыкул прадугледжвае пакаранне аж да пажыццёвага зняволення.
Па даных выдання Rzeczpospolita, Шміт па службе ўдзельнічаў у 37 справах, звязаных з сакрэтнымі дадзенымі. Пры гэтым не ідзе гаворкі пра нейкія сакрэтныя планы NATO або аналагічныя дакументы Польшчы.
У файлах, да якіх атрымліваў доступ Шміт, змяшчалася асабістая інфармацыя пра афіцэраў польскіх спецслужбаў — іх сямейнае становішча, схільнасці і інтарэсы. Такая інфармацыя можа быць вельмі каштоўнай для разведак Беларусі і Расіі.
Томаш Шміт уцёк у Беларусь 6 мая. Ён даў у Мінску прэс-канферэнцыю, на якой абвясціў, што мае намер запытаць у Беларусі палітычны прытулак.
Польскія спецслужбы мяркуюць, што Шміт некалькі гадоў кантактаваў з беларускай разведкай і расійскімі агентамі ў Польшчы.
Збеглага польскага суддзю, імаверна, пасялілі ў Драздах
«Падпісалі трэці падзел Рэчы Паспалітай». Беглы польскі суддзя наведаў Гродна
У Польшчы расказалі, як суддзя Шміт заехаў у Беларусь. Турцыя ні пры чым
«На яго жыццё палююць агенты ЦРУ, а ён гуляе па Мінску, проста сарвігалава»
Лукашэнка заявіў, што польскага дэзерціра Чэчку забілі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары