Хадаркоўскі: Нас чакае новая халодная вайна на бліжэйшыя 10-15 гадоў
Адзін з лідараў расійскай апазіцыі, былы кіраўнік нафтавай кампаніі ЮКАС Міхаіл Хадаркоўскі патлумачыў сваю заяву аб тым, што Украіна і Захад ужо фактычна прайгралі вайну, і расказаў, ці ёсць выйсце.
Як пісала «Наша Ніва», Міхаіл Хадаркоўскі на адным з выступаў у Германіі выказаў вельмі неаптымістычны прагноз развіцця вайны ва Украіне. У інтэрв'ю Bild ён больш падрабязна патлумачыў сваю пазіцыю.
«Мы маем справу з дэіндустрыялізацыяй Захаду. Дэ-факта на сёння Захад збірае снарады ў дробнасерыйнай вытворчасці. Зразумела, што гэта ў параўнанні з канвеернай вытворчасцю не дае таго ўзроўню прадукцыйнасці працы і эфектыўнасці».
На погляд бізнэсмена, гэтая сітуацыя магла бы быць зменена ў выпадку атрымання прамысловасцю Захаду дзесяцігадовай замовы. Для яе выканання былі б змененыя прамысловыя плошчы і абсталяванне.
«І ў гэтым выпадку тая вытворчая эфектыўнасць, якая ёсць у заходняй індустрыі, перакрывае расійскую прыблізна ў два-тры разы пры параўнальных магутнасцях. Проста прадукцыйнасць працы ў два-тры разы вышэйшая на Захадзе», — заўважае Хадаркоўскі.
Па словах апазіцыянера, у рамках Мюнхенскай канферэнцыі яму стала зразумела, што такое рашэнне будзе прынята.
Але ён звяртае ўвагу на наступствы: «Гэты дзесяцігадовы цыкл стварае інтэнцыю халоднай вайны. Халодная вайна, імаверна, на бліжэйшыя 10, а то і 15 гадоў — непазбежнасць. І да гэтага трэба быць гатовымі».
«На еўрапейскім кантыненце толькі две магутныя арміі — расійская і ўкраінская»
Расійскі мільярдэр заўважае, што за два гады сітуацыя на фронце радыкальна змянілася. Па-першае, вайскова-прамысловы комплекс Расіі выйшаў на той аб'ём, які ён у прынцыпе можа выдаваць. Па-другое, радыкальна змянілася армія.
«Заходнія генералы, якія кажуць дурасці пра тое, што расійская армія падчас гэтай вайны аслабела, зусім не разумеюць сітуацыю. Магчыма, яна аслабела ў рамках нейкай іншай вайны, для якой значэнне будзе мець рэсурс у самалётаў, у бранятэхнікі, нейкія гіганцкія арміі.
Але для гэтай канкрэтнай вайны [выкарыстоўваюцца] тактыка дронавай вайны, танная ствалавая артылерыя, эфектыўная работа малымі групамі, сістэмы радыё-электроннай барацьбы», — падкрэслівае Хадаркоўскі і адзначае, што лічыць, што цяпер на еўрапейскім кантыненце ёсць дзве сур'ёзныя арміі — гэта расійская і ўкраінская.
«Магчыма, з цягам часу, праз некалькі гадоў, заходнія арміі ў працэсе асваення іх вопыту змогуць гэтым скарыстацца. Але сёння, заплаціўшы вельмі вялікую цану дзясяткамі тысяч чалавечых жыццяў, мы маем вось гэтыя арміі на кантыненце», — заўважае Хадаркоўскі.
Хадаркоўскі: Сёлета Украіна страціць Харкаў, летам 2025 — Адэсу. Львоў захаваецца, калі туды ўвойдзе НАТА
Пентагон пра сітуацыю на фронце ва Украіне: Сітуацыя складаная, выклікае непакой
Буданаў малюе змрочную карціну сітуацыі на фронце
Еўропе трэба дзесяць гадоў, каб цалкам падрыхтавацца да абароны — кіраўнік Rheinmetal
Вялікая гутарка з Алінай Коўшык — пра інтэрв’ю з Падсасонным, скандал з Кулеем і рэформы на «Белсаце»21
Каментары