У Гродне мужчына кінуў з балкона петарду ў падлеткаў — яго лавілі з планам «Перахоп»
Затрыманы сцвярджае, што дзеці яму перашкаджалі.
Увечары 1 чэрвеня 57-гадовы мужчына кінуў з балкона петарду ў групу падлеткаў. Інцыдэнт адбыўся на вуліцы Сыракомлі.
У выніку выбуху 16-гадовы хлопец атрымаў апёк пляча. Мужчына пасля паспрабаваў уцячы — ён сеў у аўтамабіль і пакінуў двор. Міліцыя аб'явіла ў Гродне і раёне план «Перахоп».
Неўзабаве мужчыну затрымалі. Ён растлумачыў свой учынак тым, што падлеткі яму нібы перашкаджалі. Самі дзеці сцвярджаюць, што не парушалі ніякіх правілаў і паводзілі сябе ціха, паведамляюць у гродзенскай міліцыі.
Цяпер праводзіцца праверка.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5555
Каментары