Чаму Лукашэнка столькі гадоў трымае прэс-сакратаркай Наталлю Эйсмант?
І ці бліжэй яна да яго за Качанаву? Пра гэта палітолаг Юрый Дракахруст разважае ў новым выпуску ТОКу.
На пытанне, чаму Лукашэнка шмат гадоў не мяняе Наталлю Эйсмант на пасадзе прэс-сакратаркі, Юрый Друкахруст заўважыў, што яна хоць і адыгрывае важную ролю ў атачэнні Лукашэнкі, але не ўплывае на прыняцце самых важных рашэнняў.
Лукашэнка, відаць, лічыць, што яна працуе даволі эфектыўна, «яна нічога не заваліла», заўважае палітолаг.
Дракахруст адзначае, што Эйсмант мае дачыненне да кіравання «медыйнай машынай», дае «канкрэтныя распараджэнні на СМІ», а не проста абслугоўвае інфармацыйныя патрэбы Лукашэнкі.
Калі ж разважаць пра тое, хто бліжэй да Лукашэнкі — Качанава ці Эйсмант, — то на погляд Дракахруста, у сэнсе функцыянальных абавязкаў бліжэйшая Эйсмант, але Качанава — адзін са стаўпоў рэжыму.
«Думаю, яна кожны дзень заходзіць у яго кабінет, працуе з ім вельмі шчыльна. Качанава, напэўна, не. Але Качанава, безумоўна, больш буйная фігура. Эйсмант не мае нават шанцаў стаць прэзідэнтам, а Качанава можа».
Дракахруст праводзіць аналогію з атачэннем Сталіна. «Бліжэй за ўсіх да Сталіна быў Паскробышаў — дарадца, памочнік, праз якога ішоў увесь дакументазварот. Але стаўпамі рэжыму былі Берыя, Малянкоў, Хрушчоў.
У гэтым сэнсе тая ж Эйсмант гэта хутчэй Паскробышаў — асабісты сакратар, які працуе побач. А тая ж Качанава, Галоўчанка, сілавікі, гэта ўсё ж такі стаўпы рэжыму, якія не так ужо кожны дзень да яго бегаюць. Думаю, што Качанава — адна з самых блізкіх у сэнсе стаўпа».
Глядзіце цалкам:
«Размаўляў увесь час па-беларуску». Павел Севярынец запісаў свой першы зварот пасля вызвалення20
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары
Напрыклад, курыраваў жорсткі разгон пратэстаў беларусаў у 2020м годзе расейскі фсбшнік Патрушаў (Патрушев), які рэгулярна прылятаў у тыя дні ў Мінск для кантролю за працэсам.