Пра тое, што запланаванае на 4 чэрвеня ўвядзенне буфернай зоны на мяжы Польшчы з Беларуссю пераносіцца ў часе, 3 чэрвеня паведаміў міністр унутраных спраў і адміністрацыі Польшчы Томаш Семоняк. Але адкладанне не будзе працяглым.
«Мы хочам мець яшчэ трохі часу, некалькі дзён, каб пракансультавацца з мясцовымі ўладамі, нацыянальным паркам і грамадскімі арганізацыямі», — цытуе міністра RMF.
Рашэнне, якое прапануюць памежнікі, армія і паліцыя, павінна максімальна ўлічваць інтарэсы мясцовага насельніцтва, сцвярджае ён. Па словах міністра, урад прыняў «гнуткую формулу адлегласці ад мяжы».
Планавалася, што 200-метровая буферная зона ў Гайнаўскім і Беластоцкім паветах на польска-беларускай мяжы з'явіцца 4 чэрвеня. Польшча тлумачыць яе ўвядзенне неабходнасцю забяспечыць эфектыўную ахову мяжы.
Пакуль жа на беларускую мяжу дадаткова накіраваныя яшчэ 100 вайскоўцаў. Гэта два батальёны з 6-й паветрана-дэсантнай брыгады і 25-й паветрана-кавалерыйскай брыгады.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары