Пасля нападу мігранта на польскага вайскоўца Туск анансаваў аднаўленне буфернай зоны на мяжы з Беларуссю
Прэмʼер-міністр Польшчы Дональд Туск пабываў ля мяжы з Беларуссю ў Дубічах Царкоўных (Падляскае ваяводства).
Раніцай 28 траўня на польскага вайскоўца з нажом напаў мігрант, які спрабаваў у складзе вялікай групы незаконна перасекчы мяжу з боку Беларусі. Вайскоўца шпіталізавалі. У хуткім часе прэмʼер-міністр Польшчы Дональд Туск паведаміў, што ў сувязі са здарэннем на ахову мяжы з Беларуссю накіравалі дадатковыя сілы, піша «Свабода».
29 траўня стала вядома, што стан пацярпелага ад нападу польскага жаўнера цяжкі. Ён змагаецца за сваё здароўе і жыццё, паведаміў намеснік кіраўніка Мінабароны Польшчы Цэзары Томчык.
Прэмʼер-міністр Туск у сваю чаргу выказаў вялікае спачуванне сямʼі параненага вайскоўца і заявіў, што польскі ўрад зробіць усё, што ад яго залежыць, каб блізкія пацярпелага атрымалі эфектыўную дапамогу. Ён падкрэсліў, што, на жаль, такія напады на вайскоўцаў не навіна.
«Сёння мы прынялі рашэнне разам з вайсковым камандаваннем, памежнай аховай і паліцыяй аб актывацыі ўсіх мераў у плане матэрыяльна-тэхнічнага забеспячэння і абсталявання, каб зрабіць вашу службу бяспечнай з пункту гледжання дзяржавы, бяспечнай настолькі, наколькі гэта магчыма таксама і з вашага пункту гледжання», — адзначыў Туск, звяртаючыся да жаўнераў.
Ён паведаміў, што памежнікі рэкамендавалі прадстаўнікам ураду як мага хутчэй аднавіць 200-метровую буферную зону ад мяжы з Беларуссю.
«І разам з міністрамі нацыянальнай абароны і ўнутраных спраў, усім урадам мы прымем такое рашэнне на пачатку наступнага тыдня», — сказаў кіраўнік урада.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары