636 чалавек — на 100 балаў. Як беларускія выпускнікі здалі першы цэнтралізаваны экзамен
7 чэрвеня сталі вядомыя вынікі цэнтралізаванага экзамену, які выпускнікі беларускіх школ здавалі 27 мая па 13 профільных вучэбных прадметах.
Як паведамляе тэлеграм-канал Міністэрства адукацыі, у выпрабаваннях прынялі ўдзел 55,5 тысяч чалавек.
Максімальна магчымы вынік у 100 балаў па профільных вучэбных прадметах змаглі атрымаць 636 навучэнцаў. Стобальнікі ёсць па ўсіх вучэбных прадметах, але больш за ўсё іх па матэматыцы — 248 чалавек.
Зусім не змаглі справіцца з экзаменацыйнай работай (атрымалі нуль балаў) 64 выпускнікі (у тым ліку 50 чалавек па матэматыцы).
Сярэднія балы па ўсіх вучэбных прадметах перавысілі адзнаку ў 50 балаў. Так, сярэдні бал па матэматыцы склаў 58,4 бала, па хіміі — 63,8; па гісторыі Беларусі — 64,2; па грамадазнаўстве — 60,9 бала.
Тыя выпускнікі, якія не змаглі прыняць удзел у цэнтралізаваным экзамене ў асноўныя тэрміны, змогуць прайсці яго ў рэзервовыя дні. Яны прызначаныя на 21 і 23 чэрвеня і сумешчаныя з рэзервовымі днямі цэнтралізаванага тэсціравання.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары