636 čałaviek — na 100 bałaŭ. Jak biełaruskija vypuskniki zdali pieršy centralizavany ekzamien
7 červienia stali viadomyja vyniki centralizavanaha ekzamienu, jaki vypuskniki biełaruskich škoł zdavali 27 maja pa 13 profilnych vučebnych pradmietach.
Jak paviedamlaje telehram-kanał Ministerstva adukacyi, u vyprabavańniach pryniali ŭdzieł 55,5 tysiač čałaviek.
Maksimalna mahčymy vynik u 100 bałaŭ pa profilnych vučebnych pradmietach zmahli atrymać 636 navučencaŭ. Stobalniki jość pa ŭsich vučebnych pradmietach, ale bolš za ŭsio ich pa matematycy — 248 čałaviek.
Zusim nie zmahli spravicca z ekzamienacyjnaj rabotaj (atrymali nul bałaŭ) 64 vypuskniki (u tym liku 50 čałaviek pa matematycy).
Siarednija bały pa ŭsich vučebnych pradmietach pieravysili adznaku ŭ 50 bałaŭ. Tak, siaredni bał pa matematycy skłaŭ 58,4 bała, pa chimii — 63,8; pa historyi Biełarusi — 64,2; pa hramadaznaŭstvie — 60,9 bała.
Tyja vypuskniki, jakija nie zmahli pryniać udzieł u centralizavanym ekzamienie ŭ asnoŭnyja terminy, zmohuć prajści jaho ŭ reziervovyja dni. Jany pryznačanyja na 21 i 23 červienia i sumieščanyja z reziervovymi dniami centralizavanaha teściravańnia.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści14
Kamientary