Грамадства

Апеляцыю журналіста Карнея адхілілі, ён рыхтуецца да калоніі, скардзіцца на цыгарэтны дым

У лістах з Магілёўскага СІЗА Ігар Карней піша: «У камеры амаль усе кураць, увесь прапах нікацінам», піша Радыё Свабода.

Вярхоўны суд 7 чэрвеня разгледзеў апеляцыйную скаргу журналіста Ігара Карнея, які быў асуджаны на 3 гады пазбаўлення волі і штраф у 20 тысяч рублёў нібыта за ўдзел у экстрэмісцкім фармаванні.

Прысуд Менскага гарадскога суда адносна Ігара Карнея пакінулі без зменаў. Гэта стала вядома ад сваякоў журналіста, якія раней мусілі выехаць за мяжу.

Апошнім часам Ігара Карнея трымаюць у Магілёўскім СІЗА і не кажуць, дзе ён будзе адбываць пакаранне. Пра ўмовы ўтрымання журналіста вядома няшмат.

«На здароўе не скардзіцца. Харчаванне сярэдняе, вагі не набярэш, але руху не хапае, таму не схуднеў. Скардзіцца толькі на цыгарэтны дым у камеры. Камера разлічаная на 18 чалавек, з іх, акрамя яго, толькі адзін ня курыць. Праз гэта наскрозь прапах нікацінам», — паведаміла сваячка Ігара Карнея.

У Ігара Карнея чатыры дачкі. У канцы траўня адна з дачок Карнея закончыла навучанне ў прэстыжным універсітэце ў ЗША. Але, паводле сваякоў журналіста, ён гэтай важнай для сям’і навіны яшчэ не ведае.

«Праз інтэрнэт анлайн назіралі цырымонію ўганаравання магістраў універсітэту, але бацька не мае такой магчымасці. Замест гэтага адукоўвае сукамернікаў, бо большасць не тое што ўніверсітэтаў, школы не заканчвалі. Размаўляе з імі на беларускай мове. Наракае на беднасць турэмнай бібліятэкі, але адзначае, што ўсё ж ёсць шмат беларускай класікі. Чытае Рыгора Барадуліна, Пімена Панчанку, Янку Купалу. Настрой бадзёры, нягледзячы на ўмовы. Рыхтуецца да калоніі — вучыцца гуляць у нарды. Кажа, што там гэта прыдасца», — расказала пра Ігара Карнея суразмоўца.

Ігара Карнея затрымалі ў ліпені 2023 года. Гэта адбылося неўзабаве пасля пахавання палітвязня-мастака Алеся Пушкіна, з якім журналіст сябраваў. Беларускія праваабаронцы прызналі Ігара Карнея палітвязнем.

Паводле Беларускай асацыяцыі журналістаў, у зняволенні ў Беларусі знаходзяцца 38 супрацоўнікаў медыя.

Каментары

Цяпер чытаюць

«Спыталі, я жывая ці не». Беларускі б’юць трывогу: ім тэлефануюць з міліцыі і распытваюць пра труп4

«Спыталі, я жывая ці не». Беларускі б’юць трывогу: ім тэлефануюць з міліцыі і распытваюць пра труп

Усе навіны →
Усе навіны

На Камароўцы можна ўгледзець памідоры па 55 рублёў і агуркі па 30 рублёў1

«Прадаваць квіткі па пашпарце пакуль немагчыма». У Тэатры лялек пракаментавалі ажыятаж на квіткі1

Пад Мінскам прадаюць рэзідэнцыю з пляжам з марскім пяском і басейнам, які зімой ператвараюць у каток. Колькі просяць?3

Музыку Сяргея Доўгушава абвясцілі ў міждзяржаўны вышук2

Беларус распрацаваў план метро для Гомеля. 17 станцый і дзве лініі4

У Гродне пачалі лячыць варыкоз без разрэзаў і швоў

Беларускі правайдар выдаліў свой канал пасля публікацыі «Флагштока»4

У мінскай краме заўважылі розныя цэны на адны і тыя ж тавары1

Вайсковец адчытаў кіраўніка Пентагона Піта Хегсета за смех каля Магілы Невядомага салдата. Хегсет узнагародзіў яго ВІДЭА10

больш чытаных навін
больш лайканых навін

«Спыталі, я жывая ці не». Беларускі б’юць трывогу: ім тэлефануюць з міліцыі і распытваюць пра труп4

«Спыталі, я жывая ці не». Беларускі б’юць трывогу: ім тэлефануюць з міліцыі і распытваюць пра труп

Галоўнае
Усе навіны →

Заўвага:

 

 

 

 

Закрыць Паведаміць