Пратэсты супраць рэформаў прэзідэнта Аргенціны Мілея перараслі ў сутыкненні
У прэс-службе Мілея заявілі, што пратэстоўцы спрабавалі здзейсніць пераварот і парушыць працу Кангрэса.
Паліцыя ў Буэнас-Айрэсе ўжыла слёзацечны газ і вадамёты для разгону акцыі пратэсту супраць рэформаў прэзідэнта Аргенціны Хаўера Мілея ля будынка Нацыянальнага кангрэса, дзе абмяркоўваліся змены ў заканадаўства, піша Бі-бі-сі.
Дэманстранты, якія сцвярджаюць, што ад рэформаў пацерпяць мільёны аргенцінцаў, кідалі ў паліцэйскіх бутэлькі з запальнай сумессю і камяні, а таксама падпалілі два аўтамабілі. Некалькі ўдзельнікаў акцыі атрымалі раненні.
Пацярпелі таксама прынамсі дзевяць паліцэйскіх, паведамілі ў Міністэрстве бяспекі Аргенціны. 10 чалавек былі арыштаваныя.
Пакет рэформаў, прапанаваны Хаўерам Мілеем для ажыўлення аргенцінскай эканомікі, уключае абвяшчэнне надзвычайнага эканамічнага становішча, скарачэнне пенсій і ўшчамленне працоўных правоў.
Супраць гэтых мер выступаюць левыя партыі, прафсаюзы і грамадскія арганізацыі, якія арганізавалі дэманстрацыю.
У прэс-службе Мілея заявілі, што пратэстоўцы спрабавалі здзейсніць пераварот і парушыць працу Кангрэса, а сілы бяспекі распачалі «дзеянні для падаўлення тэрарыстычных груп».
Першапачатковы пакет рэформаў, які складаецца з 600 з лішнім артыкулаў, быў накіраваны ў парламент у канцы мінулага года. Пад ціскам апазіцыі ён быў адкліканы і ўнесены паўторна з істотнымі зменамі (у ім засталося 238 артыкулаў).
Палата дэпутатаў Кангрэсу ўхваліла новы праект у красавіку. У сераду яго абмяркоўваў Сенат.
Выступаючы ў верхняй палаце, апазіцыйныя заканадаўцы заявілі, што прыняцце пакета рэформаў адкіне краіну на дзесяцігоддзі назад.
«Мы не можам паверыць, што ў Аргенціне абмяркоўваецца закон, які адкіне нас на 100 гадоў таму», — сказаў 55-гадовы адвакат Фабіа Нуньес, адзін з удзельнікаў акцыі пратэсту.
У выніку познім вечарам Сенат у цэлым ухваліў праект рэформаў, у чацвер абмеркаванні працягнуцца.
Пасля адабрэння Сенатам дакумент павінен вярнуцца ў ніжнюю палату для фінальнага зацвярджэння.
Голы мужчына перабег з Польшчы ў Беларусь, рух на мяжы на пару гадзін перакрывалі9
Голы мужчына перабег з Польшчы ў Беларусь, рух на мяжы на пару гадзін перакрывалі
«Мой каханы не чытае навіны, калі яны напісаныя па-беларуску». Дар'я Царык стала на абарону рускай мовы і прыпляла нават Пазняка48
Каментары
Лепей яе ня ўжываць, бо розыя людзі пад аднымі і тымі назвамі разумеюць рознае.
Спадар Мілей - клясычны лібэрал. Супрацьстаяць яму сацыялісты.