Здарэнні2222

У Гомелі шматдзетная жанчына паверыла, што яе неўзабаве забярэ ў ЗША Мэрылін Мэнсан. І гэта зламала ўсё жыццё ёй і дзецям

Аднойчы ў сацыяльных сетках жыхарка Гомеля Анастасія пачала перапісвацца з амерыканцам. Іншаземец прадставіўся вядомым рок-музыкам Мэрылінам Мэнсанам. Жанчына падумала, што злавіла за хвост жар-птушку, аднак усё аказалася акурат наадварот, пішуць «Моцныя навіны».

Мэрылін Мэнсан. Фота: AP Photo/Charles Krupa, File

У перапісцы «Мэнсан» паабяцаў шматдзетнай маці забраць яе і дзяцей да сябе ў ЗША. Жанчына ўспрыняла гэта, як знак звыш, і пачала рыхтавацца да пераезду: каб мець сродкі на новае жыццё ў Амерыцы, яна прадала кватэру. Грошы амерыканец прапанаваў перавесці яму на рахунак — каб не ўзнікла праблем з аплатай і пералётам.

Тым часам час ішоў, а «Мэнсан» не спяшаўся перавозіць да сябе гомельскую сям'ю і ўсяляк адцягваў момант асабістай сустрэчы. Жанчына вымушана была прапісаць дзяцей у бабулі на вёсцы, а самой зняць кватэру ў Савецкім раёне Гомеля.

З таго часу прайшло 5 гадоў, але сям'я ў Амерыку так і не патрапіла.

Як расказалі ў адміністрацыі школы № 72, у іх вучыліся сын і дачка Анастасіі. Але ў 2018 годзе жанчына прыйшла і напісала заяву, што дзеці больш не будуць наведваць навучальную ўстанову ў сувязі з тым, што сям'я пераязджае на ПМЖ у Злучаныя Штаты.

Невядома, што адбылося далей, але сёлета ў здымнай кватэры быў знойдзены труп малодшай дачкі Сафіі. У ходзе пракурорскай праверкі было ўстаноўлена, што сям'я жыла ў антысанітарных умовах.

11-гадовае дзіця памерла ад цукровага дыябету першага тыпу. З-за адсутнасці аказання належнай медыцынскай дапамогі літаральна за 2 тыдні хвароба ахапіла дзяўчынку і не пакінула ёй шанцу. Маці дзяўчынкі спрабавала лячыць яе самастойна, купляла лекі ў аптэцы, але праз тое, што яна не ведала дыягназу, яе дапамога была марнай.

Дзеці былі знясіленыя з-за мінімальнай колькасці ежы і не атрымлівалі належнага выхавання і догляду. У сярэдняй дачкі Дар'і мелася хранічнае захворванне. У 2017 годзе дзіцяці была аформлена інваліднасць і рэкамендавана назіранне ў лекара на працягу 5 гадоў. Але маці рэкамендацыю не выканала.

Сям'я, як шматдзетная, была на ўліку ў сацслужбаў, аднак пры пераездзе з аднаго раёна ў іншы ніхто інфармацыю пра яе не перадаваў. Акрамя гэтага, сын жанчыны дасягнуў 18-годдзя і павінен быў стаць на ўлік у ваенкамат, але яго ніхто не шукаў.

Сям'я жыла на аліменты і пенсіі па інваліднасці. За 5 гадоў сям'я толькі некалькі разоў выходзіла ў парк, увесь астатні час яны сядзелі ў кватэры. Але сваіх дзяцей маці ўсё пераконвала, што яны хутка абавязкова пераедуць у Амерыку.

У старэйшай дачкі жанчыны 9 класаў адукацыі, сын экстэрнам здаў экзамены і цяпер будзе спрабаваць паступіць у каледж, а яшчэ адна дзяўчынка знаходзіцца ў прытулку.

Цяпер на шматдзетную маці заведзеная крымінальная справа. Магчыма, яе неўзабаве пазбавяць бацькоўскіх правоў. Прыцягнутыя да адказнасці і чыноўнікі, якія нядбайна паставіліся да сваёй працы і не цікавіліся жыццём шматдзетнай сям'і.

Каментары22

  • Žvir
    19.06.2024
    Sacsietki - najvialikšaje zlo! Abitalnictva prachindziejaŭ i šarlatanaŭ. Hetych cukiermanaŭ-duravych-maskaŭ treba pryciahnuć da adkaznaści.
  • Джэф Бэзас
    19.06.2024
    Калі галоўнаму заўхозу Ілан Маск Тэслы са Старлінкамі прэзентуе, дык чаму б звычайным людзям ад Мэрліна Мэнсана дабра не пачакаць?
  • Правда, но не для всех
    19.06.2024
    Žvir , человека без интеллекта (совершенно) и на улице обуют на деньги!
    Как я вижу - эта история есть последствия образования в РБ, очень среднего!
    Основная мысль - поймать жар-птицу за хвост, даже если ты ущербное существо!

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

Усе навіны →
Усе навіны

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам5

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне20

больш чытаных навін
больш лайканых навін

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

Галоўнае
Усе навіны →