U Homieli šmatdzietnaja žančyna pavieryła, što jaje nieŭzabavie zabiare ŭ ZŠA Merylin Mensan. I heta złamała ŭsio žyćcio joj i dzieciam
Adnojčy ŭ sacyjalnych sietkach žycharka Homiela Anastasija pačała pierapisvacca z amierykancam. Inšaziemiec pradstaviŭsia viadomym rok-muzykam Merylinam Mensanam. Žančyna padumała, što złaviła za chvost žar-ptušku, adnak usio akazałasia akurat naadvarot, pišuć «Mocnyja naviny».
U pierapiscy «Mensan» paabiacaŭ šmatdzietnaj maci zabrać jaje i dziaciej da siabie ŭ ZŠA. Žančyna ŭspryniała heta, jak znak zvyš, i pačała rychtavacca da pierajezdu: kab mieć srodki na novaje žyćcio ŭ Amierycy, jana pradała kvateru. Hrošy amierykaniec prapanavaŭ pieravieści jamu na rachunak — kab nie ŭźnikła prablem z apłataj i pieralotam.
Tym časam čas išoŭ, a «Mensan» nie śpiašaŭsia pieravozić da siabie homielskuju siamju i ŭsialak adciahvaŭ momant asabistaj sustrečy. Žančyna vymušana była prapisać dziaciej u babuli na vioscy, a samoj źniać kvateru ŭ Savieckim rajonie Homiela.
Z taho času prajšło 5 hadoŭ, ale siamja ŭ Amieryku tak i nie patrapiła.
Jak raskazali ŭ administracyi škoły № 72, u ich vučylisia syn i dačka Anastasii. Ale ŭ 2018 hodzie žančyna pryjšła i napisała zajavu, što dzieci bolš nie buduć naviedvać navučalnuju ŭstanovu ŭ suviazi z tym, što siamja pierajazdžaje na PMŽ u Złučanyja Štaty.
Nieviadoma, što adbyłosia dalej, ale sioleta ŭ zdymnaj kvatery byŭ znojdzieny trup małodšaj dački Safii. U chodzie prakurorskaj pravierki było ŭstanoŭlena, što siamja žyła ŭ antysanitarnych umovach.
11-hadovaje dzicia pamierła ad cukrovaha dyjabietu pieršaha typu. Z-za adsutnaści akazańnia naležnaj miedycynskaj dapamohi litaralna za 2 tydni chvaroba achapiła dziaŭčynku i nie pakinuła joj šancu. Maci dziaŭčynki sprabavała lačyć jaje samastojna, kuplała leki ŭ aptecy, ale praz toje, što jana nie viedała dyjahnazu, jaje dapamoha była marnaj.
Dzieci byli źniasilenyja z-za minimalnaj kolkaści ježy i nie atrymlivali naležnaha vychavańnia i dohladu. U siaredniaj dački Darji miełasia chraničnaje zachvorvańnie. U 2017 hodzie dziciaci była aformlena invalidnaść i rekamiendavana nazirańnie ŭ lekara na praciahu 5 hadoŭ. Ale maci rekamiendacyju nie vykanała.
Siamja, jak šmatdzietnaja, była na ŭliku ŭ sacsłužbaŭ, adnak pry pierajeździe z adnaho rajona ŭ inšy nichto infarmacyju pra jaje nie pieradavaŭ. Akramia hetaha, syn žančyny dasiahnuŭ 18-hodździa i pavinien byŭ stać na ŭlik u vajenkamat, ale jaho nichto nie šukaŭ.
Siamja žyła na alimienty i piensii pa invalidnaści. Za 5 hadoŭ siamja tolki niekalki razoŭ vychodziła ŭ park, uvieś astatni čas jany siadzieli ŭ kvatery. Ale svaich dziaciej maci ŭsio pierakonvała, što jany chutka abaviazkova pierajeduć u Amieryku.
U starejšaj dački žančyny 9 kłasaŭ adukacyi, syn eksternam zdaŭ ekzamieny i ciapier budzie sprabavać pastupić u kaledž, a jašče adna dziaŭčynka znachodzicca ŭ prytułku.
Ciapier na šmatdzietnuju maci zaviedzienaja kryminalnaja sprava. Mahčyma, jaje nieŭzabavie pazbaviać baćkoŭskich pravoŭ. Pryciahnutyja da adkaznaści i čynoŭniki, jakija niadbajna pastavilisia da svajoj pracy i nie cikavilisia žyćciom šmatdzietnaj siamji.
«Ja ŭrešcie rastaŭ i zakachaŭsia». Dźvie historyi biełarusaŭ, jakija paznajomilisia ź dziaŭčatami ŭ siecivie, a tyja akazalisia machlarkami
«Lidziruje «prync na biełym kani». Jakimi sposabami durać ludziej, što prahnuć praź internet uładkavać asabistaje žyćcio
Telefonnyja machlary reanimavali staruju schiemu padmanu. Jak ni dziŭna, jana pracuje
Pasoł Sidarenka pakončyŭ z saboj, nie vytrymaŭ dopytaŭ KDB27
Kamientary