ЕС увёў санкцыі супраць БРСМ, а таксама расійскіх спевакоў Шамана і Паліны Гагарынай
Рада ЕС зацвердзіла 14-ы пакет санкцый супраць Расіі. У ім — пашыраныя персанальныя абмежаванні, пад якія трапілі 69 фізічных асоб і 47 кампаній.
У 14-ы пакет ЕС уключыў Беларускі рэспубліканскі саюз моладзі за садзейнічанне ў дэпартацыі ўкраінскіх дзяцей з незаконна акупаваных тэрыторый, а таксама яго лідара Аляксандра Лук'янава персанальна.
Таксама ў санкцыйны спіс уключылі спявачку Паліну Гагарыну, спевака Шамана (Яраслаў Дронаў), акцёра Івана Ахлабысціна.
Акрамя таго, у спіс увайшоў міжнародны дзіцячы цэнтр «Артэк», «Уральскія авіялініі», фонд імя Кадырава, дзяржсакратар Саюзнай дзяржавы Дзмітрый Мезенцаў, галоўнакамандуючы ВМФ Расіі адмірал Аляксандр Майсееў.
Таксама ўведзеныя абмежаванні ў дачыненні да так званага ценявога расійскага флоту, пад іх трапілі 27 судоў.
ЕС у новым пакеце санкцый забараніў СМІ, партыям і аналітычным арганізацыям ЕС прымаць фінансаванне з расійскіх крыніц.
Разам з гэтым Брусэль увёў санкцыі супраць кампаній з Кітая, Казахстана, Кыргызстана, Турцыі і ААЭ за абыход абмежаванняў у дачыненні да Масквы.
«Адмываў гаўно з унітазаў, мы там як самыя кончаныя». Блогер Вадзім Vadimati Ермашук — пра тое, як жыў у калоніі ў «нізкім статусе»32
Каментары
- Прабачце, мяне бан на атрыманне шэнгенскай візы не патрэбны.