Пуцін назваў Талібан саюзнікам у змаганні з тэрарызмам. Арганізацыя прызнаная ў Расіі тэрарыстычнай
Масква гатовая да актыўнага супрацоўніцтва з групоўкай, якая захапіла ўладу ў Афганістане.
Уладзімір Пуцін, выступаючы на прэс-канферэнцыі на саміце ШАС у Астане, закрануў пытанне адносін з Талібанам.
Адказваючы на пытанне пра ролю новых уладаў Афганістана ў супрацьстаянні «Ісламскай дзяржаве», Пуцін назваў групоўку хаўруснікам Расіі ў барацьбе з тэрарызмам, піша «Інтэрфакс».
«Мы павінны зыходзіць з таго, што Талібан кантралюе ўладу ў краіне. І ў гэтым сэнсе талібы, безумоўна, для нас саюзнікі па барацьбе з тэрарызмам.
Таму што любая дзейная ўлада зацікаўленая ў стабільнасці сваёй улады і той дзяржавы, якой гэтая ўлада кіруе», — заявіў Пуцін.
Расійскі Вярхоўны суд прызнаў Талібан тэрарыстычнай арганізацыяй у 2003 годзе, з тых часоў яе статус не мяняўся. Але апошнім часам усё часцей ходзяць размовы пра магчымае выключэнне руху з расійскага тэрарыстычнага спісу. Прадстаўнікі Талібану здзяйсняюць афіцыйныя візіты ў Расію і сустракаюцца з вышэйшымі чыноўнікамі.
Талібан захапіў уладу ў Афганістане ў жніўні 2021 года пасля вываду амерыканскага кантынгенту з краіны. Новыя ўлады ўвялі ў Афганістане законы шарыяту, а таксама абмежавалі ў правах жанчын, пазбавіўшы іх у тым ліку магчымасці атрымліваць адукацыю.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы1
Каментары