Pucin nazvaŭ Taliban sajuźnikam u zmahańni z teraryzmam. Arhanizacyja pryznanaja ŭ Rasii terarystyčnaj
Maskva hatovaja da aktyŭnaha supracoŭnictva z hrupoŭkaj, jakaja zachapiła ŭładu ŭ Afhanistanie.
Uładzimir Pucin, vystupajučy na pres-kanfierencyi na samicie ŠAS u Astanie, zakranuŭ pytańnie adnosin z Talibanam.
Adkazvajučy na pytańnie pra rolu novych uładaŭ Afhanistana ŭ supraćstajańni «Isłamskaj dziaržavie», Pucin nazvaŭ hrupoŭku chaŭruśnikam Rasii ŭ baraćbie z teraryzmam, piša «Interfaks».
«My pavinny zychodzić z taho, što Taliban kantraluje ŭładu ŭ krainie. I ŭ hetym sensie taliby, biezumoŭna, dla nas sajuźniki pa baraćbie z teraryzmam.
Tamu što lubaja dziejnaja ŭłada zacikaŭlenaja ŭ stabilnaści svajoj ułady i toj dziaržavy, jakoj hetaja ŭłada kiruje», — zajaviŭ Pucin.
Rasijski Viarchoŭny sud pryznaŭ Taliban terarystyčnaj arhanizacyjaj u 2003 hodzie, z tych časoŭ jaje status nie mianiaŭsia. Ale apošnim časam usio čaściej chodziać razmovy pra mahčymaje vyklučeńnie ruchu z rasijskaha terarystyčnaha śpisu. Pradstaŭniki Talibanu ździajśniajuć aficyjnyja vizity ŭ Rasiju i sustrakajucca z vyšejšymi čynoŭnikami.
Taliban zachapiŭ uładu ŭ Afhanistanie ŭ žniŭni 2021 hoda paśla vyvadu amierykanskaha kantynhientu z krainy. Novyja ŭłady ŭviali ŭ Afhanistanie zakony šaryjatu, a taksama abmiežavali ŭ pravach žančyn, pazbaviŭšy ich u tym liku mahčymaści atrymlivać adukacyju.
Watch on TikTok
Afhanskaja žurnalistka paśla admovy ŭ prytułku ŭ Rasii palacieła ŭ Kabuł. Na radzimie joj pahražaje śmiarotnaje pakarańnie
ADKB budzie dapamahać «Talibanu» ŭ baraćbie z teraryzmam
Na «Alimpijadzie biez palityki» z udziełam biełarusaŭ u Rasii biez palityki nie abyšłosia. Adna z krain vystupaje bieź ściaha
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary