«Ау! Куды вы зніклі?» Як мінчанка перайграла кватэрных аферыстаў
Яшчэ крыху — і Мінск запоўніцца студэнтамі, а таксама іх бацькамі, якім давядзецца вырашаць пытанне з забеспячэннем даху над галавой любімага дзіцяці. Прадчуваючы наплыў іншагародніх, ашуканцы не дрэмлюць. На інтэрнэт-пляцоўках раз-пораз зʼяўляюцца абʼявы аб здачы кватэры: сімпатычнай, зручна размешчанай і, самае галоўнае, недарагой. На прывабную прапанову наткнулася чытачка Onliner Яна.
![](http://nashaniva.com/img/w840d4webp1/photos/stock/minsk_masherova_3787-g1s0t.jpg.webp)
«За аднушку на праспекце Пушкіна «ўласнікі» прасілі ўсяго $175 па курсе. Гэта пры тым, што кватэра з добрым рамонтам і каля метро. За такія зараз просяць ад $260. Паколькі цана неадэкватная рынку, я вырашыла праверыць, ашуканцы гэта ці не, і вось што выйшла, — распавядае дзяўчына, якая паспела заскрыніць перапіску. — Самае галоўнае: нумар тэлефона беларускі, карта беларуская, пашпарт беларускі. Усё гэта выклікае давер. Шкада нашых людзей. Можна толькі ўявіць, колькі людзей паспелі перавесці ім грошы. Бо зараз уступная кампанія скончылася і семʼі з іншых гарадоў сапраўды шукаюць жыллё. Заўтра пайду пісаць заяву ў міліцыю!»
![](http://nashaniva.com/img/w732d4webp1/photos/z_2024_07/1dd3e63302d073df72b5a6bf76ebe957-asd2s.jpg.webp)
![](http://nashaniva.com/img/w732d4webp1/photos/z_2024_07/70e42c2035ec78705ebbf3d9ac2779ee-g3m8s.jpg.webp)
Уважлівасць да дэталяў і недаверлівасць дзяўчыны давялі да шаленства аферыстаў. Ад дыялогу яны самаўхіліліся. І зрабілі гэта дастаткова нервова.
Адзначым, што апетыты ашуканцаў сталі больш сціплымі: раней у якасці перадаплаты за права жыць у кватэры, якую ніхто ў вочы не бачыў, прасілі ў раёне 250 рублёў. А тут — зніжка.
![](http://nashaniva.com/img/w732d4webp1/photos/z_2024_07/4f26521309ad66ebd9daf9979493f979-j67lw.jpg.webp)
![](http://nashaniva.com/img/w732d4webp1/photos/z_2024_07/9bd07e8c26a729679c8c18a2e5746ff9-t9aw1.jpg.webp)
Нагадаем, што пераводзіць грошы за метры, якія вы не ацанілі асабіста, не варта. І верыць фатаграфіям дакументаў (падаць гатовыя нават тэхпашпарт і пасведчанне аб рэгістрацыі) таксама нельга: сучасныя праграмы дазваляюць так «нафоташопіць», што не падкапаешся. Толькі асабістая сустрэча, праверка дакументаў, заключэнне дамовы і тады ўжо перадача грошай.
Каментары