«Au! Kudy vy źnikli?» Jak minčanka pierajhrała kvaternych afierystaŭ
Jašče krychu — i Minsk zapoŭnicca studentami, a taksama ich baćkami, jakim daviadziecca vyrašać pytańnie z zabieśpiačeńniem dachu nad hałavoj lubimaha dziciaci. Pradčuvajučy napłyŭ inšaharodnich, ašukancy nie dremluć. Na internet-placoŭkach raz-poraz zjaŭlajucca abjavy ab zdačy kvatery: simpatyčnaj, zručna raźmieščanaj i, samaje hałoŭnaje, niedarahoj. Na pryvabnuju prapanovu natknułasia čytačka Onliner Jana.
![](http://nashaniva.com/img/w840d4webp1/photos/stock/minsk_masherova_3787-g1s0t.jpg.webp)
«Za adnušku na praśpiekcie Puškina «ŭłaśniki» prasili ŭsiaho $175 pa kursie. Heta pry tym, što kvatera z dobrym ramontam i kala mietro. Za takija zaraz prosiać ad $260. Pakolki cana nieadekvatnaja rynku, ja vyrašyła pravieryć, ašukancy heta ci nie, i voś što vyjšła, — raspaviadaje dziaŭčyna, jakaja paśpieła zaskrynić pierapisku. — Samaje hałoŭnaje: numar telefona biełaruski, karta biełaruskaja, pašpart biełaruski. Usio heta vyklikaje davier. Škada našych ludziej. Možna tolki ŭjavić, kolki ludziej paśpieli pieravieści im hrošy. Bo zaraz ustupnaja kampanija skončyłasia i siemji ź inšych haradoŭ sapraŭdy šukajuć žyllo. Zaŭtra pajdu pisać zajavu ŭ milicyju!»
![](http://nashaniva.com/img/w732d4webp1/photos/z_2024_07/1dd3e63302d073df72b5a6bf76ebe957-asd2s.jpg.webp)
![](http://nashaniva.com/img/w732d4webp1/photos/z_2024_07/70e42c2035ec78705ebbf3d9ac2779ee-g3m8s.jpg.webp)
Uvažlivaść da detalaŭ i niedavierlivaść dziaŭčyny daviali da šalenstva afierystaŭ. Ad dyjałohu jany samaŭchililisia. I zrabili heta dastatkova niervova.
Adznačym, što apietyty ašukancaŭ stali bolš ścipłymi: raniej u jakaści pieradapłaty za prava žyć u kvatery, jakuju nichto ŭ vočy nie bačyŭ, prasili ŭ rajonie 250 rubloŭ. A tut — źnižka.
![](http://nashaniva.com/img/w732d4webp1/photos/z_2024_07/4f26521309ad66ebd9daf9979493f979-j67lw.jpg.webp)
![](http://nashaniva.com/img/w732d4webp1/photos/z_2024_07/9bd07e8c26a729679c8c18a2e5746ff9-t9aw1.jpg.webp)
Nahadajem, što pieravodzić hrošy za mietry, jakija vy nie acanili asabista, nie varta. I vieryć fatahrafijam dakumientaŭ (padać hatovyja navat techpašpart i paśviedčańnie ab rehistracyi) taksama nielha: sučasnyja prahramy dazvalajuć tak «nafotašopić», što nie padkapaješsia. Tolki asabistaja sustreča, pravierka dakumientaŭ, zaklučeńnie damovy i tady ŭžo pieradača hrošaj.
Kamientary