Абменены расійскі шпіён як мінімум два разы прыходзіў у офіс да Латушкі
Намеснік старшыні Аб'яднанага пераходнага кабінета, кіраўнік Народнага антыкрызіснага ўпраўлення Павел Латушка паведаміў выданню «Позірк», што перададзены ўчора Расіі ў рамках абмену зняволенымі расійскі агент Павел Рубцоў двойчы прыходзіў у офіс НАУ браць у яго інтэрв'ю.
Рубцоў працаваў у Польшчы да лютага 2022 года і прадстаўляўся іспанскім журналістам расійскага паходжання Пабла Гансалесам. У СМІ паведамлялася, што Рубцоў-Гансалес быў затрыманы 28 лютага 2022 года па падазрэнні ў шпіянажы.
«Гансалес як мінімум двойчы прыходзіў у офіс НАУ, каб узяць у мяне інтэрв'ю для іспанскіх выданняў. У якасці сведкі па гэтай крымінальнай справе я даваў паказанні», — сказаў Латушка.
На думку палітыка, факт таго, што «прадстаўнік расійскіх спецслужбаў» сядзеў насупраць яго «на адлегласці выцягнутай рукі», дэманструе, з аднаго боку, «актыўнасць расійскіх спецслужбаў на тэрыторыі Еўрапейскага Саюза, а з другога боку, паказвае рэальнасць рызык і пагроз, якія ўзнікаюць для прадстаўнікоў дэмакратычных сіл».
«Гэта яшчэ раз пацвярджае неабходнасць узмацняць меры бяспекі, у тым ліку і самабяспекі для ўсіх тых, хто працягвае змагацца супраць рэжыму Лукашэнкі. Рызыкі абсалютна рэальныя», — падкрэсліў кіраўнік НАУ.
Акрамя таго, пра тое, што «Пабла Гансалес» у лістападзе 2021 года прыходзіў браць інтэрв'ю і да яго, згадаў у каментарах да аднаго з пастоў у фэйсбуку кіраўнік Беларускага дома ў Варшаве Алесь Зарэмбюк.
Былы польскі міністр: Расіяніна Рубцова Польшча павінна была аддаць за Пачобута
Чаму расійскіх палітвязняў вызвалілі, а беларускіх не? Усё проста
Пуцін яшчэ раз патэлефанаваў Лукашэнку і падзякаваў «за дапамогу»
Былы дыпламат Мацукевіч: Рэжыму не цяжка вызваліць усіх палітзняволеных на працягу 48 гадзін. Гэта вялікі правал апазіцыі
Нямецкія эксперты лічаць абмен зняволенымі небяспечным прэцэдэнтам
Сікорскі: Польшча працягвае працаваць над вызваленнем Пачобута
Цяпер чытаюць
Анжаліка Борыс: Пачобута паўсюль прымалі як героя2
Каментары