У Беларусі знайшлі расліну, якая апошні раз фіксавалася яшчэ за Рэччу Паспалітай
Супрацоўнікі Інстытута эксперыментальнай батанікі імя Купрэвіча НАН Беларусі падчас даследаванняў на Гродзеншчыне знайшлі настурцыю лекавую (Nasturtium officinale L.) — від, які лічыўся зніклым у Беларусі, піша «Дзікая прырода побач».
Вось што гаворыць пра знаходку Аркадзь Скуратовіч, старшы навуковы супрацоўнік Інстытута:
«Для Беларусі гэта вельмі цікавая знаходка. Гэты від быў знойдзены ў нас і раней, але гэта было вельмі даўно — у далёкім 1782 годзе батанікам Жанам Эмануэлем Жыліберам. Пры гэтым настурцыя лекавая расце ў суседніх з Беларуссю краінах — у Польшчы, Літве.
Нечакана і дзіўна, што гэтая расліна захавалася ў нас. Яна была знойдзеная ва ўмовах, якія набліжаныя да натуральных — на беразе ручая з хуткай плынню. Але тое, што столькі гадоў яе не знаходзілі, а зараз знайшлі — вельмі ўражвае.
Тэарэтычна гэта можа быць расліна, якая трапіла ў прыроднае асяроддзе з культурнай плантацыі, бо яе вырошчваюць для харчавання як вадзяны крэс-салат, у крамах прадаецца яе насенне.
У нас ёсць яшчэ год да заканчэння працы над 5-м выданнем Чырвонай кнігі. І за гэты год мы спадзяемся з дапамогай генетычнага аналізу даведацца, сапраўды настурцыя лекавая расце ў Беларусі ці трапіла да нас аднекуль з Еўропы».
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію12
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары