U Biełarusi znajšli raślinu, jakaja apošni raz fiksavałasia jašče za Rečču Paspalitaj
Supracoŭniki Instytuta ekśpierymientalnaj bataniki imia Kupreviča NAN Biełarusi padčas daśledavańniaŭ na Hrodzienščynie znajšli nasturcyju lekavuju (Nasturtium officinale L.) — vid, jaki ličyŭsia źnikłym u Biełarusi, piša «Dzikaja pryroda pobač».
Voś što havoryć pra znachodku Arkadź Skuratovič, staršy navukovy supracoŭnik Instytuta:
«Dla Biełarusi heta vielmi cikavaja znachodka. Hety vid byŭ znojdzieny ŭ nas i raniej, ale heta było vielmi daŭno — u dalokim 1782 hodzie batanikam Žanam Emanuelem Žylibieram. Pry hetym nasturcyja lekavaja raście ŭ susiednich ź Biełaruśsiu krainach — u Polščy, Litvie.
Niečakana i dziŭna, što hetaja raślina zachavałasia ŭ nas. Jana była znojdzienaja va ŭmovach, jakija nabližanyja da naturalnych — na bierazie ručaja z chutkaj płyńniu. Ale toje, što stolki hadoŭ jaje nie znachodzili, a zaraz znajšli — vielmi ŭražvaje.
Tearetyčna heta moža być raślina, jakaja trapiła ŭ pryrodnaje asiarodździe z kulturnaj płantacyi, bo jaje vyroščvajuć dla charčavańnia jak vadziany kres-sałat, u kramach pradajecca jaje nasieńnie.
U nas jość jašče hod da zakančeńnia pracy nad 5-m vydańniem Čyrvonaj knihi. I za hety hod my spadziajemsia z dapamohaj hienietyčnaha analizu daviedacca, sapraŭdy nasturcyja lekavaja raście ŭ Biełarusi ci trapiła da nas adniekul ź Jeŭropy».
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary