Легендарныя часопісы «Каламбур» і «Один дома» канчаткова закрываюцца
Апошнія выпускі гэтых выданняў, якія праіснавалі 27 гадоў, прапаноўвалася замовіць на маркетплэйсах, аднак на гэты момант увесь наклад ужо раскуплены, паведамляе «Анлайнер».
Год таму, каб захаваць часопіс і скараціць выдаткі, «Каламбур» і «Один дома» прыбралі з падпіснога каталога. Але, мабыць, гэтыя меры не дапамаглі.
«Гэтыя часопісы назаўжды застануцца ў сэрцах нашай каманды, а таксама ў памяці дзясяткаў (і нават сотняў) тысяч дзяцей і дарослых. «КА» і «Оди» не зламаў ні рэзка прыход інтэрнэту, ні шэраг крызісаў, і нават кавід не здолеў. Але ва ўсяго ёсць свой тэрмін», — гаворыцца ў паведамленні, якое адрасавалі чытачам.
Першыя нумары рускамоўнага забаўляльнага часопіса «Каламбур» пабачылі свет у 1997 годзе.
У ім былі жарты, навіны і поп-культура свету, коміксы, конкурсы і крыжаванкі. Стартавы нумар выдання выйшаў накладам 40 тысяч экзэмпляраў на 32 старонках. У 2000-я тыраж сягаў 220 тысяч. Пазней у рэдакцыі стаў выходзіць і часопіс «Один дома».
Са зʼяўленнем сацыяльных сетак наклад часопісаў стаў падаць. У 2012 годзе змяніўся галоўны рэдактар.
Выдаўцом «Каламбура» і яго дадаткаў выступала кампанія «Росчерк», якой належыць і выдавецкі дом «Віта». «Росчерк» — найбуйнейшы дыстрыб’ютар часопісаў у Беларусі.
Цяпер чытаюць
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары