У Беларусі пачнуць рэгуляваць цэны на кансультацыі дактароў у прыватных медцэнтрах. І гэта не адзінае новаўвядзенне
З лістапада чыноўнікі будуць вырашаць, колькі павінна каштаваць кансультацыя ў доктара-спецыяліста. Тарыфы стане кантраляваць Мінздароўя, узгадняючы іх з Міністэрствам антыманапольнага рэгулявання і гандлю.
![](http://nashaniva.com/img/w840d4webp1/photos/stock/ap20364498466763-r4b4j.jpg.webp)
Адпаведную пастанову падпісаў прэм’ер-міністр Раман Галоўчанка 15 жніўня 2024 года. Яна пачне дзейнічаць з 1 лістапада 2024-га.
Гэта не адзінае новаўвядзенне, якое закране галоўным чынам прыватны сектар медыцыны. Ужо набыла моц пастанова Мінздароўя, якая абавязвае арганізацыі і індывідуальных прадпрымальнікаў, якія аказваюць платныя медыцынскія паслугі, уключаць у цану набыццё лекавых прэпаратаў і медыцынскіх вырабаў, якія выкарыстоўваюцца пры аказанні платных медыцынскіх паслуг. З гэтага моманту выключаецца магчымасць прымянення гандлёвых надбавак у гэтым сегменце медыцынскіх паслуг.
Растлумачым на простым прыкладзе. Раней прыватныя лабараторыі маглі пазначыць на сайце адну цану аналізу, а на касе высвятлялася, што неабходна даплаціць за інструменты, якія будуць выкарыстоўвацца падчас маніпуляцыі. Цяпер кошты расходнікаў павінны адразу быць уключаны ў кошт аналізу.
Каментары