Аграпрамысловы сектар атрымлівае каласальныя сродкі ў выглядзе інвестыцый, сказаў Аляксандр Лукашэнка ў Палацы Незалежнасці на нарадзе з урадам.
Паводле яго слоў, у краіне ідзе чарговая мадэрнізацыя аграрнай галіны. Гэта ўжо дало свой станоўчы эфект у выглядзе павелічэння надояў малака на 6,5%, і вытворчасці жывёлы і птушкі на 4,5%, піша БелТА.
«Аднак за гэтымі лічбамі стаіць страшная колькасць загінулага пагалоўя», — панаракаў Аляксандр Лукашэнка.
Пры гэтым ён прывёў даныя Камітэта дзяржкантролю, што толькі за паўгода ад хвароб загінула 70 тысяч галоў, у тым ліку амаль 40 тысяч цялят.
«Гэта абуральная безгаспадарчасць. Калі калісьці ў мужыка ў вёсцы карова гінула, гэта было трагедыяй сусветнага маштабу. Цяпер чамусьці прывыклі хавацца за нарматывамі і стандартамі. Жудасць! Якія яшчэ нарматывы (асабліва ў Магілёўскай вобласці) па падзежы жывёлы», — абурыўся Лукашэнка.
На яго думку, павінен быць толькі адзін стандарт у галіне — гэта здаровая жывёла ў добрых умовах утрымання. Тады не будзе смерці жывёлы ніякай. Гэтае пытанне датычыцца і напаўнення малочна-таварных комплексаў пагалоўем.
«Каго мы там доім? Калі карову, то чаму з казіным удоем?» — цытуе Аляксандра Лукашэнку БелТА
Цяпер чытаюць
Што вядома пра экс-афіцэра Службы бяспекі Лукашэнкі Андрэя Спасава, якога пасадзілі за палітыку1
Каментары
======
жаль только белта не сообщает сколько денег из карманов простых беларусов туда закопано усилиями крэпких хазяйтвенникау))