Украінцы падчас апошняй атакі збілі 102 ракеты і 99 ударных беспілотнікаў. Два беспілотнікі паляцелі ў Беларусь
У ноч на панядзелак 26 жніўня расійскія войскі нанеслі моцны камбінаваны ўдар па аб'ектах крытычнай інфраструктуры Украіны. Пра ягоныя вынікі паведамляе камандаванне Паветраных сілаў УСУ, называючы гэтую паветраную атаку Украіны найбольш масіраванай за ўвесь перыяд вайны.
Паводле паведамлення прэс-службы Паветраных сілаў УСУ, усяго радыётэхнічнымі войскамі Паветраных сілаў было выяўлена і суправоджана 236 сродкаў паветранага нападу праціўніка: 127 ракет і 109 ударных БПЛА.
Сярод іх былі 3 аэрабалістычныя ракеты «Кінжал», 6 балістычных ракет «Іскандэр-М», 77 крылатых ракет Х-101, 28 крылатых ракет «Калібр», 3 крылатыя ракеты Х-22; 10 кіраваных авіяцыйных ракет Х-59/X-69; 109 ударных БПЛА «Shahed-131/136».
Удары расіяне наносілі як са сваёй уласнай тэрыторыі, так і з тэрыторыі акупаваных імі ўкраінскіх рэгіёнаў. Пры гэтым ракеты пускаліся як з зямлі, так і з самалётаў, караблёў і падводных лодак.
Да адбіцця паветранага нападу ўкраінцы задзейнічалі ўсе магчымыя сродкі: авіяцыю, зенітныя ракетныя войскі, мабільныя агнявыя групы і падраздзяленні радыёэлектроннай барацьбы.
У выніку ім удалося збіць 201 паветраную цэль з 236: 102 ракеты і 99 ударных БПЛА: 1 «Кінжал»; 1 «Іскандэр-М», 1 Х-22, 99 Х-101, «Калібраў» і Х-59/69, 99 шахедаў.
Акрамя таго, як паведамляецца, некалькі беспілотнікаў былі лакацыйна згубленыя на тэрыторыі Украіны, а яшчэ два перасеклі дзяржаўную мяжу з Беларуссю. Раней пра магчымасць залёту некалькіх расійскіх беспілотнікаў у Беларусь паведамляла маніторынгавая група «Беларускі Гаюн».
Як паведаміў прэзідэнт Украіны Уладзімір Зяленскі, цяпер ідзе ліквідацыя наступстваў масіраванай атакі:
«На саміх аб'ектах працягваецца ліквідацыя наступстваў, рамонт, размініраванне. Дзе-нідзе дзяржава-тэрарыст атакавала грамадзянскія аб'екты касетнымі боепрыпасамі. Павінны папрацаваць сапёры, перш чым энергетыкі возьмуцца за рамонт».
Ракеты і беспілотнікі падчас расійскай атакі на Украіну раніцай былі нацэлены на Кіеўскую ГЭС
Уначы каля трох шахедаў маглі заляцець у Беларусь — Беларускі Гаюн
У выніку масіраванай атакі Расіі пацярпелі 15 абласцей Украіны: ёсць параненыя і загінулыя
Расіяне наносяць магутныя ўдары па ўкраінскай энергетыцы
У Краматорску загінуў дарадца Reuters
Па ўсёй Украіне абвешчаная паветраная трывога: больш за дзясятак Ту-95МС выйшлі на пускавыя рубяжы
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары