Беларус, які выйграў 200 000 рублёў, загінуў. Што зараз будзе з грашыма?
Як аказалася, бонуснай карткай загінулага карысталася яго жонка.
У пачатку жніўня «Еўраопт» разыграў прызы сваёй рэкламнай гульні «Удача в придачу!». Галоўны прыз — 200 тысяч рублёў — выйграў мужчына. Аднак звязацца з ім ніяк не атрымлівалася, такое адбывалася ўпершыню ў гісторыі гульні.
Праз некаторы час арганізатары змаглі звязацца са сваякамі пераможцы.
Аказалася, хлопец загінуў яшчэ вясной. Яго бонуснай карткай карысталася жонка — яна не стала пераафармляць карту на сябе. У выніку перамог код, атрыманы пасля пакупкі менавіта з гэтай картай, піша Myfin.
Жонка загінулага выйгрыш не атрымае. Па правілах, атрымаць выйгрыш можа толькі ўладальнік карты, з якой была здзейснена выйгрышная пакупка. Паколькі ўладальнік памёр, прыз будзе перададзены рэзервоваму пераможцу — уладальніку кода, які ішоў за выйгрышным.
У міністэрстве антыманапольнага рэгулявання і гандлю патлумачылі, чаму жонка загінулага не зможа атрымаць выйгрыш.
«Асоба, на якую быў зарэгістраваны асабісты кабінет і бонусная карта, якая сканала да пачатку правядзення рэкламнай гульні, не магла быць яе ўдзельнікам, а асоба, якая выкарыстоўвала чужую бонусную карту для ўдзелу ў рэкламнай гульні, таксама не з'яўляецца ўдзельнікам рэкламнай гульні, бо не выканала ўмовы ўдзелу аб запаўненні на сайце персанальных даных і аб выражэнні згоды на ўдзел у рэкламнай гульні, і, такім чынам, не можа атрымаць выйгрыш. У сувязі з гэтым у такой сітуацыі выйгрыш павінен быць перададзены рэзервоваму пераможцу», — заявілі ў міністэрстве.
У найбліжэйшы час арганізатары гульні звяжуцца з новым уладальнікам 200 тысяч рублёў.
Беларуская блогерка працавала на расійскай апазіцыйнай фабрыцы ботаў, а пасля зліла дакументы?40
Каментары