Ва Усходнім Ціморы на імшу Папы Рымскага прыйшла палова насельніцтва краіны
Набажэнства з удзелам Францішка сабрала 600 тысяч чалавек.
Папа Францішак правёў імшу ў парку Тасітолу ва Усходнім Ціморы. На багаслужэнне пад пякучым сонцам сабраліся 600 тысяч чалавек — гэта амаль палова насельніцтва краіны.
Гэта першы візіт папы ў былую партугальскую калонію пасля здабыцця незалежнасці ў 2002 годзе. Месца для імшы было абрана невыпадкова: у гэтым жа парку ў 1989 годзе маліўся з вернікамі папа Ян Павел II — тады Усходні Цімор, дзе 97% насельніцтва вызнаюць каталіцтва, быў акупаваны Інданезіяй, піша AP.
Ян Павел II тады рэзка асудзіў парушэнні правоў чалавека з боку інданезійскіх уладаў і падтрымаў ціморцаў. На яго імшу тады прыйшлі 100 тысяч чалавек.
У перыяд акупацыі інданезійскія вайскоўцы ў Тасітолу пазбаўляліся ад целаў забітых змагароў за свабоду. Усяго за чвэрць стагоддзя акупацыі ў краіне было забіта каля 200 тысяч чалавек. Цяпер у Тасітолу размяшчаецца Парк міру з вялікай статуяй Яна Паўла II.
Папскія імшы ў некаторых іншых рэгіёнах збіралі часам мільёны вернікаў. Аднак службу ва Усходнім Ціморы можна лічыць самай наведвальнай з пункту гледжання долі насельніцтва краіны.
Усходні Цімор застаецца адной з самых бедных краін свету: па даных праграмы развіцця ААН, каля 42% з 1,3 мільёна яе жыхароў жывуць за рысай беднасці.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары