Як Рыта Дакота хацела пабудаваць вілу на Балі, але не атрымалася
Беларуска Рыта Дакота падзялілася са сваімі падпісчыкамі ў сацсетках, што ледзь не трапіла ў непрыемную гісторыю з будаўніцтвам вілы на Балі.
Цяпер спявачка жыве на Балі разам з мужам і дачкой. Нядаўна ім прыйшла ў галаву думка пабудаваць на востраве ўласнае жыллё, а не марнаваць грошы на арэнду нерухомасці.
Дакота знайшла людзей, якія прапанавалі ёй прывабны праект.
Цяпер спявачка прызналася, што яе паспрабавалі падмануць.
«Мы тут нядаўна, даверыўшыся «прафесіяналу», ледзь не ўцягнуліся ў будоўлю на Балі з чуваком, які пабудаваў не па правілах на зямлі ў зялёнай зоне, дзе будаваць нельга па законе Інданезіі. Цяпер ён нам быццам абавязаўся вярнуць наш заклад, але калі ён гэта не зробіць?» — распавяла Рыта.
Яна паабяцала не пакінуць сітуацыю, калі не атрымае назад свой заклад. Спявачка запэўніла, у тым выпадку, калі яна не атрымае грошы, гэтая гісторыя з усімі падрабязнасцямі стане здабыткам грамадскасці.
«З усімі імёнамі, дакументамі, з паліцыяй, з дэпартацыяй усіх парушальнікаў, якія цынічна забудоўваюць запаведныя зоны, кідаюць на грошы інвестараў і турыстаў, я падключу проста ўсе інстанцыі і ўсе СМІ, каб даць максімальную агалоску, што робяць на Балі некаторыя тыпы», — патлумачыла артыстка.
Яна дадала, што, магчыма, яе сям'і не патрэбнае сваё жыллё на востраве. «Альбо жыццё намякае, што домік на Балі нам патрэбен, але проста будаваць яго трэба па правілах і з праверанымі будаўнікамі, якія не разбураюць прыроду і не парушаюць закон», — рэзюмавала Рыта.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай8
Каментары
напела?