Jak Ryta Dakota chacieła pabudavać viłu na Bali, ale nie atrymałasia
Biełaruska Ryta Dakota padzialiłasia sa svaimi padpisčykami ŭ sacsietkach, što ledź nie trapiła ŭ niepryjemnuju historyju z budaŭnictvam viły na Bali.
Ciapier śpiavačka žyvie na Bali razam z mužam i dačkoj. Niadaŭna im pryjšła ŭ hałavu dumka pabudavać na vostravie ŭłasnaje žyllo, a nie marnavać hrošy na arendu nieruchomaści.
Dakota znajšła ludziej, jakija prapanavali joj pryvabny prajekt.
Ciapier śpiavačka pryznałasia, što jaje pasprabavali padmanuć.
«My tut niadaŭna, davieryŭšysia «prafiesijanału», ledź nie ŭciahnulisia ŭ budoŭlu na Bali z čuvakom, jaki pabudavaŭ nie pa praviłach na ziamli ŭ zialonaj zonie, dzie budavać nielha pa zakonie Indaniezii. Ciapier jon nam byccam abaviazaŭsia viarnuć naš zakład, ale kali jon heta nie zrobić?» — raspaviała Ryta.
Jana paabiacała nie pakinuć situacyju, kali nie atrymaje nazad svoj zakład. Śpiavačka zapeŭniła, u tym vypadku, kali jana nie atrymaje hrošy, hetaja historyja z usimi padrabiaznaściami stanie zdabytkam hramadskaści.
«Z usimi imionami, dakumientami, z palicyjaj, z departacyjaj usich parušalnikaŭ, jakija cynična zabudoŭvajuć zapaviednyja zony, kidajuć na hrošy inviestaraŭ i turystaŭ, ja padkluču prosta ŭsie instancyi i ŭsie ŚMI, kab dać maksimalnuju ahałosku, što robiać na Bali niekatoryja typy», — patłumačyła artystka.
Jana dadała, što, mahčyma, jaje siamji nie patrebnaje svajo žyllo na vostravie. «Albo žyćcio namiakaje, što domik na Bali nam patrebien, ale prosta budavać jaho treba pa praviłach i z pravieranymi budaŭnikami, jakija nie razburajuć pryrodu i nie parušajuć zakon», — reziumavała Ryta.
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary
napieła?