Беларускамоўнай айцішніцы з EPAM, якая вярнулася з Грузіі, пагражае да дзесяці гадоў калоніі
Марыну Леановіч, якая да затрымання працавала ў EPAM, абвінавачваюць у «фінансаванні вайны» і «садзейнічанні экстрэмізму». Дзяўчыне пагражае ад пяці гадоў калоніі. Судзіць яе будзе тая ж суддзя, што Насту Лойку і Алеся Пушкіна.
Марыне Леановіч 28 гадоў. Яна мінчанка. Пасля школы адвучылася ў БДУІР на метролага. Адразу па размеркаванні дзяўчына пайшла працаваць у EPAM, дзе была франтэнд-распрацоўшчыцай (чалавек, які распрацоўвае тую частку праграмы, якую бачыць карыстальнік).
Таксама Марына займаецца творчасцю. Напрыклад, піша артыкулы для беларускай Вікіпедыі, робіць ілюстрацыі ды перакладае на беларускую мову, а яшчэ піша вершы. Усе сацсеткі дзяўчына вядзе па беларуску, але пад псеўданімамі.
Пасля пачатку вайны Марына паехала жыць у Грузію і асела ў Тбілісі. Дзяўчына захапляецца прыродай і фатаграфуе ды ідэнтыфікуе віды раслін ці насякомых, якія знаходзіць падчас вандровак. Апошні раз яна адзначала штосьці 3 жніўня 2023 года — гэта быў павук, якога пабачыла ў Тбілісі.
Пра затрыманне Марыны напісалі ў твітары ў кастрычніку 2023 года. Невядома, чаму дзяўчына вярнулася ў Беларусь.
Суд над Марынай Леановіч пачынаецца 11 кастрычніка 2024 года. Яе вінавацяць па двух артыкулах — «фінансаванне экстрэмісцкай дзейнасці» (ч. 1 і ч. 2 арт. 361-2 КК) і «фінансаванне або іншая фінансавая падтрымка вайны» (ч. 2 арт. 361-3 КК). Дзяўчыне пагражае ад пяці да дзесяці гадоў калоніі.
Судзіць яе будзе Алена Шылько. Яна выносіць палітычныя прысуды найменш з 2006 года. Шылько прысудзіла сем гадоў калоніі за праваабарону Настассі Лойка, шэсць гадоў за данаты Мікалаю Васілевічу і пяць гадоў Алесю Пушкіну, які памёр за кратамі.
«Наша Нiва» — бастыён беларушчыны
ПАДТРЫМАЦЬСуддзя, вядомая многім палітвязням, і пракурор з медалём ад Лукашэнкі. Хто судзіў Алеся Пушкіна
Маладзенькай беларускамоўнай настаўніцы пагражае да 10 гадоў турмы за падтрымку Украіны і ўдзел у пратэстах
«Ціхі чалавек з мяккім голасам». Хто тыя суддзя і пракурор, якія адправілі ў калонію блогера Клімовіча — палітвязня, які памёр за кратамі
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе11
Каментары
Тупость, как у этой дамы, должна наказываться. Сама виновата.