Жыхарам трох раёнаў Мінска з-за аварыі рэкамендуюць выкарыстоўваць падвозную ваду
Зараз праводзіцца прамыванне сетак у зоне аварыі.
Насельніцтву трох раёнаў Мінска з-за магчымага пагаршэння якасці вады з-за аварыі рэкамендавана выкарыстоўваць падвозную або бутэляваную ваду, паведамляе БелТА.
Сіламі Мінскводаканала праводзіцца прамыванне сетак у зоне аварыі. Спецыялісты дзяржсаннагляду праводзяць кантроль за гатаваннем ежы і выкананнем умоў асабістай гігіены ва ўстановах адукацыі на тэрыторыях у зоне ўплыву аварыі.
Для пітных мэтаў, гатавання ежы і захавання правілаў асабістай гігіены насельніцтву Заводскага, Ленінскага, Кастрычніцкага раёнаў рэкамендуецца выкарыстоўваць падвозную або бутэляваную ваду.
Санітарна-эпідэміялагічная служба сумесна з УП «Мінскводаканал» пры атрыманні інфармацыі, што работы па ліквідацыі аварыі скончаны, плануе адабраць пробы вады ў зоне ўплыву. Будуць праведзены лабараторныя даследаванні па паказчыках бяспекі па хімічным складзе і паказчыках мікрабіялагічнай бяспекі.
Аварыйная сітуацыя адбылася напярэдадні вечарам. З-за пашкоджання адбылося зніжэнне ціску ў гэтых раёнах Мінска. У 23.30 пашкоджанне было лакалізавана. У 0.15 водазабеспячэнне адноўлена. Паведамлялася аб магчымым пагаршэнні якасці водазабеспячэння на гэтых адміністрацыйных тэрыторыях.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары