Зелянкоўская: З Міхалком не камунікуем, гэта яго рашэнне. Нават з дзецьмі камунікую праз яго новую жонку
Вядомая актрыса, экс-зорка Купалаўскага тэатра Святлана Зелянкоўская цяпер жыве ў Польшчы. Яна працуе ў краме адзення Reserved. У вялікай гутарцы з «Нашай Нівай» Святлана расказала пра адносіны з дзецьмі і з былым мужам, Сяргеем Міхалком.
Святлана Зелянкоўская. Фота: «Наша Ніва»
Зелянкоўская і Міхалок былі разам з 2008 года. У іх нарадзіліся трое сыноў. Таксама ў сям'і расла і старэйшая дачка Святланы ад першага шлюбу. У лістападзе 2022 года пара развялася, дзеці жывуць з бацькам у Эстоніі — бо там былі лепшыя ўмовы.
«Наша Ніва»: Як часта вы цяпер бачыцеся з дзецьмі?
Святлана Зелянкоўская: [Старэйшая дачка] Аксіння таксама жыве ў Варшаве, раней мы нават разам здымалі кватэру, але цяпер яна з’ехалася з хлопцам.
Малодшыя ж дзеці з бацькам у Эстоніі, у мяне атрымліваецца прыблізна раз на паўгода да іх выязджаць, таму што яшчэ ж трэба сабраць грошы на гэта. Ну і з адпачынкам на працы ў мяне ёсць ліміт, які я магу выкарыстаць.
Да мяне дзеці не прыязджаюць, таму што пакуль у мяне няма такіх умоваў, каб іх прымаць. Я жыву ў маленькім пакойчыку, кватэру дзялю з суседзямі — беларусам і ўкраінкай. Мы пасябравалі з імі.
Айфон штодзень выдае нейкія фотаўспаміны, таму што я дзяцей вельмі шмат фатаграфавала. І ў мяне заўсёды слёзы падступаюць: я не ведаю, што мне зрабіць, каб змяніць сітуацыю. Была думка паехаць у Эстонію жыць, але не ведаю, дзе там працаваць, дзе жыць, там яшчэ больш дарагі ўзровень жыцця.
«НН»: Правільна разумею, што з Сяргеем Міхалком вы зусім не камунікуеце?
СЗ: На жаль, не. Нават з дзецьмі я камунікую праз яго новую жонку. Ці старэйшы сын Макар дапамагае: бегае з тэлефонам за малодшымі. Хаця мне падаецца, наконт дзяцей са мной размаўляць мусіць Сяргей, а не яго жонка. Мне б хацелася, каб мы вырашалі лёс дзяцей разам. Нам жа няма чаго дзяліць, пачуццяў няма… Але тут я не магу паўплываць, гэта яго рашэнне.
Можа, ён баіцца, што я буду дзяцей адбіраць… Але я ж не адбіраю іх увесь гэты час, я прыстасоўваюся да сітуацыі.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары