Грамадства33

«Усё цела было ў парэзах». Вязень з «Воўчых нор» расказаў пра Сцяпана Латыпава

Сцяпан Латыпаў у Івацэвіцкай калоніі № 22 падвяргаўся моцнаму ціску адміністрацыі і ў знак пратэсту і барацьбы з рэпрэсіямі рабіў парэзы на целе. Пра гэта «Люстэрку» распавёў былы палітвязень Арцём Мядзведскі, які нейкі час таму частку пакарання адбываў у гэтай жа калоніі і перасякаўся з ім.

Арцём Мядзведскі сядзеў у «Воўчых норах» з чэрвеня 2022-га па сакавік 2023-га. У гэты перыяд хлопец пазнаёміўся са Сцяпанам Латыпавым, якога затрымалі на Плошчы Перамен і потым асудзілі на восем гадоў. Палітвязні абмяркоўвалі ў тым ліку ціск з боку адміністрацыі калоніі.

— У яго, груба кажучы, усё цела ў парэзах. Ён мне распавядаў, за што яго пасадзілі, і казаў, што яму пагражалі пасадзіць суседзяў і родных, калі ён не падпіша прызнанне віны, — распавядае суразмоўца. — Таму ён так паступіў — што называецца, ні сабе, ні ім (гаворка пра ўчынак Латыпава на судзе, калі ён на пасяджэнні ўваткнуў асадку сабе ў горла, па словах Мядзведскага, гэта была «мыйка» — так называлі лязо ад брытвавага станка). І ён працягваў там так рабіць, бо яго пачалі душыць, саджалі ў ШІЗА, ПКТ.

Мядзведскі кажа, што Латыпаў доўгі час знаходзіўся ў ПКТ, яму не даходзілі лісты і перадачы ад блізкіх. Таму «даводзілася ўвесь час правакаваць адміністрацыю, каб дзесьці дамаўляцца», кажа экс-палітвязень.

— Ён тады сказаў, што і далей будзе, напрыклад, вены рэзаць, каб на яго ўвагу звярнулі. Таму што, калі хтосьці парэжацца, у любым выпадку павінна прыехаць праверка, даведацца, чаму, як чалавек гэта зрабіў. Начальніку будзе мінусік. А начальнік на пенсію крыху раней хоча і з добрай сумай. Навошта яму гэта? — тлумачыць былы палітвязень. — Таму прыйдзецца дамаўляцца, нейкія лісты прапускаць, сустрэчы дазваляць. Тут адвакат нічога не зробіць, а калі родныя напішуць заяву, табе «абратка» прыляціць. Добра, да цябе прыедуць, пагавораць і з'едуць. А ты застанешся там. Табе вернецца гэта [скарга на дзеянні адміністрацыі], гэта значыць далёка на гэтым не з'едзеш. Таму маральна там вельмі цяжка.

Каментары3

  • Acab
    07.10.2024
    Спадар Латыпаў надзвычай мужны і годны чалавек.
    Пра яго ня надта каб згадвалі, бо ён ня быў ніякім камсамольскім актывістам ні праўладным ні сацыялістычна апазыцыйный, а замест гэтага прыносіў карысьць людзям - сумленна працаваў не ў дзяржсэктары.
    Дай Бог сілы і здароўя спадару Сьцяпану вытрымаць выпрабаваньні і зьдзекі.
  • Ёрк
    07.10.2024
    Acab, падаецца наш акабчык пайшоў на папраўку
  • .
    07.10.2024
    Не. Чытаем уважліва: ён ацэньвае людзей толькі за месца працы (дзяржава або не).
    Сцяпана мы паважаем не за тое, а за чалавечыя якасці, за яго пазіцыю ў 2020-м.

    Бот амаральны па азначэнню, бо "не бачыць" маральныя пытанні, забалтвае іх сваімі пункцікамі пра сацыялізм.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стала вядома, што за амерыканец нядаўна быў вызвалены з беларускай турмы4

Стала вядома, што за амерыканец нядаўна быў вызвалены з беларускай турмы

Усе навіны →
Усе навіны

Палітзняволены журналіст Карней схуднеў за кратамі на 15 кг і мае праблемы з сэрцам

Пракуратура паказала інтэр'еры калоніі, у якой трымаюць Алеся Бяляцкага2

Перамовы паміж Расіяй і ЗША ў Эр-Рыядзе пачаліся7

Пакаянне за палку каўбасы. Як за дапамогу сем’ям палітвязняў асудзілі 39 чалавек2

Стала вядома новае месца працы касмічнай турысткі Марыны Васілеўскай9

Лівійскага фельдмаршала Хафтара ў Мінск прывезлі на самалёце Лукашэнкі1

Чаму Трамп прапанаваў правесці перамовы з Пуціным у Саудаўскай Аравіі

«Мы павінны прызнаць, што ўступаем у новую эру». Што абмяркоўвалі лідары ЕС на экстранным саміце ў Парыжы

Жарты бразільца пра Беларусь разышліся па сацсетках. Ябацькі ўжо называюць яго бэчэбэшнікам5

больш чытаных навін
больш лайканых навін

Стала вядома, што за амерыканец нядаўна быў вызвалены з беларускай турмы4

Стала вядома, што за амерыканец нядаўна быў вызвалены з беларускай турмы

Галоўнае
Усе навіны →

Заўвага:

 

 

 

 

Закрыць Паведаміць