15-гадовы кандытар з Мінска робіць торты на замову: прыгожа, але шалёна дорага
Юны кандытар Стась Малінін паказаў у тыктоку, якія прыгожыя торты ўмее гатаваць. Адразу нават складана сказаць, што больш уражвае: стыль кандытарскіх вырабаў, узрост кухара ці цэны.
Калі меркаваць па інстаграме хлопца, займацца салодкім хлопец пачаў у 13 гадоў. Цяпер ён можа зрабіць амаль усё: ад трайфлаў і маленькіх бента-тортаў да вясельных тортаў на некалькі ярусаў са складаным дэкорам.
У тыктоку Стась у адным са сваіх ролікаў паказаў некаторыя прыклады сваіх прац з цэнамі. Не надта вялікі торт на тэму «хадзячых мерцвякоў» каштуе 180 рублёў, торт на пяцігоддзе з мінімалістычным дэкорам дурніцамі — 370 рублёў, двух'ярусны торт з анёлам — 610 рублёў.
За тры дні ролік набраў каля 700 тысяч праглядаў і больш за 43 тысячы лайкаў. А меркаванні каментатараў прадказальна падзяліліся. Нехта лічыў, што ў «Еўраопце» можна за 30 рублёў набыць выдатны торт, а нехта пагаджаўся з тым, што прыгожы дэсерт з якасных інгрэдыентаў і не можа каштаваць танна.
У іншым відэа Стась расказаў пра сваю няўдачу. У хлопца замовілі велізарны торт на вяселле (11 кілаграмаў і тры ярусы) са смакам трапічнага шакаладу. Да гэтага моманту кандытар не аднойчы рабіў вясельныя торты, але не настолькі вялікія. Стась спадзяваўся, што ўсё будзе добра, бо саму тэхналогію ён ведае: усталяваў спецыяльныя апоры, выраўнаваў ярусы. Выйшла ўсё даволі прыгожа.
— І цяпер самае цікавае. Я прыязджаю на месца і высвятляецца, што пераблытаў дату — вяселле не 12, а 14. Але дзякуй богу, што пераблытаў. Бо па прыездзе да дому торт разваліўся. Я ўлічыў усе памылкі і за суткі зрабіў такі ж торцік — і ўсе засталіся задаволеныя.
Увогуле цэннік у 15-гадовага кандытара такі: бента-торт — 45 рублёў, торт без дэкору — ад 50 рублёў за кілаграм (хлопец бярэ замовы ад 1,5 кілаграма). У сваім маленькім тэлеграм-канале Стась распавядае, што прыйшлося прачнуцца а шостай раніцы, каб аддаць торцік. Часам скардзіцца, што ён закрыў бальнічны і заўтра трэба ісці ў школу.
Тайваньскі напой, які спачатку не спадабаўся беларусам, стаў папулярным у нас праз 10 гадоў
«Гэта як другое дзіця». Былая мадэль пераехала ў Іран, а пасля вярнулася ў Беларусь з шакаладным бізнэсам
Нігерыйскі футбаліст, які гуляе за «Івацэвічы», набыў французскую кавярню ў Брэсце
180 рублёў за кілаграм, а смак як у елкі: здаецца, знайшліся самыя дарагія цукеркі ў Мінску
Пасля працяглага росту ў Беларусі прыкметна знізіўся попыт на нерухомасць. Чаму так адбываецца?2
Пасля працяглага росту ў Беларусі прыкметна знізіўся попыт на нерухомасць. Чаму так адбываецца?
«Тое, што хтосьці «сядзіць за палітыку», з'яўляецца «часткай пейзажу». Беларуска, якая наведала радзіму пасля доўгага перапынку, падзялілася ўражаннямі88
Каментары