У краме заўважылі беларускіх ракаў амаль за 90 рублёў. Чаму яны такія дарагія?
У сеціве паказалі фота з цэнамі на беларускіх ракаў і крэветак з Расіі ў краме гандлёвай сеткі «Еўраопт». Кошт першых — 89,99 рубля за кіло. Выданне Telegraf.news параўнала цэны на айчынных ракаў і заморскіх крэветак, лобстараў, крабаў.
Цэннік на свежамарожаных беланогіх крэветак Vici ў «Еўраопце» — 26,99 рубля за адзін кілаграм (гэта значыць на 63 рублі танней, або ў 3,3 раза).
У сэрвісе Edostavka цэннікі на ўсе прапанаваныя крэветкі ніжэйшыя, чым на ракаў: ад 9,99 рубля за варана-марожаную крэветку «Паўночная» да 67,25 за крэветку Fish без галавы.
А вось лобстары даражэйшыя за ракаў — 239 рублёў за кіло ў Edostavka. Канечнасці камчацкага краба таннейшыя за лобстараў, але ўсё адно даражэйшыя за беларускіх ракаў — 129 рублёў за кіло.
Дарэчы, ракаў можна таксама знайсці ў інтэрнэт-краме «Гіпа». Там іх кошт удвая ніжэйшы — 44,99 рубля за кіло. Але ўсё адно яны даражэйшыя за крэветак: у гэтай краме прапануюць купіць свежамарожаных аргенцінскіх чырвоных крэветак у панцыры па кошце 42,99 рубля за адзін кілаграм.
Як сцвярджае партал Fishingby.com, у Беларусі цяпер даўгапалы рак з'яўляецца адзіным прамысловым відам, а папуляцыя скарачаецца. Гэта адна з прычын высокага цаны гэтага тавару.
Іншыя фактары, якія ўплываюць на кошт:
- абмежаванні на вылаў;
- высокі сабекошт утрымання і гадоўлі ракаў у штучна створаных умовах;
- перавышэнне попыту над прапановай.
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары