Пазняк пра Калеснікаву: Няма адказу на пытанне, навошта з яе ўпарта раскручваюць рэвалюцыянера і лідара
Лідар руху «Вольная Беларусь» Зянон Пазняк працягвае даказваць свой тэзіс пра штучнасць лідарства Марыі Калеснікавай. Гэтаму пытанню адмыслова прысвечаная частка ягонага вялікага тэксту ад 16 кастрычніка, апублікаванага ў фэйсбуку праз 6 дзён пасля напісання.
Зянон Пазняк піша:
«Раней я пісаў пра такую штучна «надзьмутую з'яву», як Марыя Калеснікава, якая ў 2020 годзе прамільгнула пару месяцаў у прарасейскай групе В. Бабарыкі. Узурпатар, учапіўшыся за ўладу, пасадзіў яе разам з Бабарыкам у турму і з таго часу хвалямі не сціхае арганізаваны фальшывы вэрхал пра «рэвалюцыянерку Машу». (Метад стварэння штучных «маякоў» добра вядомы ў палітыцы і прапагандзе.)
Я зірнуў у Вікіпедыю. Калеснікава там ёсць, прытым лаўрэатам «прэстыжных прэміяў», якімі перагнала нават Ціханоўскую, Бабарыку і ўсіх іншых імітатараў і «невераятных». За адзін 2021 год у яе шэсць (!) прэміяў (плюс дзве за чатыры месяцы 2020-га). Выглядае фантастыкай. (Выдрук «узнагародаў» «Машы» з «Вікіпедыі», думаю, здзівіць шмат каго):
- Прэмія імя Андрэя Сахарава (2020)
- Прэмія імя Марціна Лютэра «Бясстрашнае слова» (2020)
- Прэмія фонду Герхарта і Рэнаты Баум у галіне правоў чалавека (2021)
- Прэмія імя Льва Копелева за мір і правы чалавека (2021)
- Штутгарцкая прэмія міру (2021)
- Міжнародная жаночая прэмія за адвагу (2021)
- Прэмія імя Фрытца Цзокліча (2021)
- Прэмія правоў чалавека імя Вацлава Гавела (2021).
Адказу на пытанне, навошта з невядомай непалітычнай асобы ўпарта раскручваюць рэвалюцыянера, лідара і дзеяча, пакуль няма. Можна, аднак, здагадацца, хто ўсё тое штурхае, калі ўважліва аналізаваць метады КГБ-ФСБ. Магчыма, сапраўды тут ствараецца запасны варыянт на выпадак выпрацоўкі і зыходу са сцэны С. Ціханоўскай.
Само з'яўленне Ціханоўскай з ніадкуль было зроблена па такім сцэнары. Выглядае тое праўдападобна і больш таго — яно, магчыма, якраз сыграла з Калеснікавай дрэнны паварот, калі скончыліся «фітнэс і кава», пачаліся хваробы і знікненне яе з поля зроку. Гэтая з'ява даволі злавесная, бо хутчэй за ўсё звязана з псіхічнымі асаблівасцямі Лукашэнкі (пра якія не ўсе ведаюць).
Калі коратка — Лукашэнка, відаць, зразумеў (можа нават яму «доложили»), пра тое, што з Калеснікавай робяць «падставу». Лішнія клопаты дыктатару не патрэбныя. Улічыць трэба яшчэ і асаблівы склад псіхікі ўзурпатара (тут яно галоўнае).
А гэта значыць, што гэтую жанчыну з турмы наўрад ці выпусцяць. Здаецца, яна падвойна стала ахвярай фальшывай палітыкі, якая працягваецца».
Апытанка
Навумчык пра рэзкія заявы Пазняка: Яго не цікавіць імідж, ён кажа тое, што не гавораць іншыя
Пазняк: Калеснікава — штучна раздзьмутая асоба, якая адзначылася інфантыльнымі паводзінамі і недалёкімі казаннямі
Усаў расказаў, як трэба было зразумець словы Пазняка пра Лукашэнку і Калеснікаву
Усаў: Пазняк нe ставіць свае палітычныя погляды вышэй за жыццё Калеснікавай
Пазняк: Калеснікава — поўнае палітычнае нішто
Цяпер чытаюць
Начальнік крымінальнага вышуку МУС бачыў прагулачны дворык СІЗА КДБ з акна свайго кабінета, а потым сам стаў вязнем6
Каментары
На самой справе, менавіта Пазняк з яго нацыяназізмам - адна з прычын прыходу пляшывага да улады.