Усаў расказаў, як трэба было зразумець словы Пазняка пра Лукашэнку і Калеснікаву
Заявы Зянона Пазняка нарабілі шуму ў беларускай інфармацыйнай прасторы. Цяпер прыляцела рэакцыя ад палітыка Паўла Усава, найбліжэйшага паплечніка Пазняка.
Нагадаем, у эфіры Пятага канала Пазняк адказваў на пытанне, хто можа замяніць Лукашэнку.
«Хто можа замяніць? Рэальна — ніхто. Гледзячы якая будзе сітуацыя. Калі ён раптам, скажам, паляціць у космас, то замена будзе яшчэ горшай. Таму што ўся тая публіка, якая ёсць, яна не здольная захоўваць незалежнасць Беларусі. І не разумее, навошта [захоўваць]. Яны здадуць краіну ў вельмі кароткі тэрмін», — тлумачыў ён. З падрабязным пераказам слоў палітыка можна азнаёміцца тут.
Усаў перакананы, што ягонага боса зразумелі няправільна. У сваім допісе ў сацсетках ён расказаў, што насамрэч мелася на ўвазе:
«Пазняк разважае пра сітуацыю і сцэнары верагодных падзей ва ўмовах, калі Расія застаецца моцнай і кантралюе стратэгічную прастору Беларусі.
У выніку ягонай смерці (Лукашэнкі — НН), пры такой сітуацыі (на 26.09.2024) аб’ектыўна, хто можа змяніць рэжым, замяніць Лукашэнку? І тым больш вывесці Беларусь са стану акупацыі?
Магчыма ОСТ-АПК-КР трыма дывізіямі на 150 джыпах уварвецца ў Беларусь з трох кірункаў? (Але там нават стратэгіі ніякай няма).
Гэта азначае, што з такімі расійскімі ўплывамі, як зараз, смерць ці зыход Лукашэнкі па факце нічога для краіны не змяняе, бо кантроль застаецца ў руках Масквы. Ці гэта трэба прымаць у разлік? Так, трэба. Ці трэба пра гэта казаць? Так. Але, ці гэта азначае, што трэба падтрымліваць Лукашэнку? Канечне, НЕ».
Прэтэнзіі Паўла Усава датычацца і да таго, пад якім загалоўкам былі апублікаваныя і выказванні Зянона Пазняка пра палітзняволеную Марыю Калеснікаву.
«Што такое Калеснікава? Адкуль яно з'явілася? … Нават у параўнанні са Святланай Ціханоўскай, якая ўжо хоць нешта кажа, гэтая асоба — поўнае палітычнае нішто», — заявіў патрыярх беларускай апазіцыйнай палітыкі.
У гэтым выпадку Усаў не рашаецца сказаць, што Пазняка не так зразумелі. Ён не абвяргае заяву пра Калеснікаву як «поўнае палітычнае нішто» і прызнае, што такія словы — гэта знявага.
Але адзначае, што галоўная думка ў тэксце была пра іншае — «што нягледзячы на крытычны падыход да палітычных пазіцый жыццё і свабода чалавека — найбольшая каштоўнасць».
-
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю
-
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам
-
Каверын выбачыўся за прапанову эратычнай фотасесіі для Ціханоўскай
Цяпер чытаюць
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары