Прэм'ер-міністр Раман Галоўчанка патлумачыў, чаму ў Беларусі вырашылі не рабіць у студзені тыднёвыя навагоднія канікулы, аб'явіўшы выхадным днём яшчэ і 3 студзеня.
«Я гэта нейкай праблемай наогул не лічу. Усё ж такі тыдзень — практычна поўнае расхалоджванне або замарозка эканомікі. Мы цяпер не ў тых умовах, каб дазволіць сабе такія доўгія канікулы», — сказаў Галоўчанка ў эфіры Першага інфармацыйнага тэлеканала.
Пры гэтым ён звярнуў увагу, што кожнае прадпрыемства мае права прыняць рашэнне, якое больш падыходзіць для іх вытворчых мэтаў.
«Але для бюджэтнай сферы мы не можам зрабіць такі перапынак», — заявіў Галоўчанка.
Ён адзначыў, што першыя дні студзеня — «так званыя заключныя абароты бюджэту».
«Там увогуле ледзь не кругласутачна людзі працуюць, таму што трэба правесці ўсе тыя плацяжы, якія за кошт бюджэтных сродкаў аплачваюцца», — сказаў прэм'ер.
«Зноў-такі, з пункту гледжання захавання графіку працы і адпачынку, не вельмі цудоўна, калі ты спачатку тыдзень адпачываеш, а потым працуеш два тыдні запар з адным выхадным», — лічыць ён, падкрэсліўшы, што ўрад прыняў «самае збалансаванае і аптымальнае рашэнне».
Раней было прынята рашэнне, што ў Беларусі будуць выхаднымі днямі 1 і 2 студзеня. Праз дзень будзе яшчэ чатыры выхадныя дні запар — з 4 да 7 студзеня. Працоўны дзень з 6 студзеня (панядзелак) будзе перанесены на 11 студзеня (субота).
У мінскіх гандлёвых цэнтрах і кавярнях цяпер не будуць уключаць сусветныя навагоднія хіты. Затое даюць зарабіць праўладным артыстам
Мінскія ўлады прадпісваюць упрыгожваць навагоднія вітрыны толькі «элементамі славянскага паходжання»
Стала вядома, колькі сёлета давядзецца заплаціць за натуральную навагоднюю ялінку
Навагоднія кірмашы ў Мінску адкрыюцца праз два тыдні
У Мінску з'явілася казачна прыгожая навагодняя лакацыя
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША40
Каментары