Грамадства77

Мінскія ўлады прадпісваюць упрыгожваць навагоднія вітрыны толькі «элементамі славянскага паходжання»

Як стала вядома выданню «Люстэрка», Мінгарвыканкам разаслаў у сталічныя арганізацыі гандлю і грамадскага харчавання прадпісанні наконт навагодніх упрыгожванняў. Цяпер у дэкоры вітаюцца толькі «элементы славянскага паходжання». Журналісты даведаліся ў чыноўнікаў, што будзе, калі ўпрыгожыць вітрыну Санта-Клаўсам і якая пазіцыя ва ўладаў наконт аленяў.

Навагоднія вітрыны ГУМа. Фота: gum.by

У распараджэнне рэдакцыі «Люстэрка» трапілі лісты Мінгарвыканкама і адміністрацыі аднаго з раёнаў сталіцы, якія чыноўнікі адправілі ў гандлёвыя цэнтры, крамы, а таксама ў кавярні і рэстараны. Улады горада «ў мэтах забеспячэння адзіных падыходаў па выкарыстанні традыцыйных навагодніх і калядных вобразаў» і «прасоўвання беларускай культуры і традыцый» рэкамендуюць выкарыстоўваць пры святочным афармленні аб'ектаў канкрэтныя ўпрыгожанні.

Пажаданні такія — гэта павінны быць «сімвалы, элементы славянскага паходжання, у тым ліку выявы Дзеда Мароза і Снягуркі, якія не супярэчаць гістарычным, культурным і духоўным традыцыям беларускага народа».

Раённая адміністрацыя дадала: аформіць аб'екты гандлю і грамадскага харчавання неабходна «з выкарыстаннем сучасных дэкаратыўна-светлавых і дызайнерскіх прыёмаў». Афармляць прапануюць фасады, вітрыны, уваходныя групы, прылеглую тэрыторыю, інтэр'еры залаў. Дэдлайн — 4 снежня. Пасля трэба даслаць фатаграфію мясцовым уладам.

«Алені на санях — можа, і нічога»

Журналістка «Люстэрка» пад выглядам супрацоўніцы адной з мінскіх крамаў звярнулася ў аддзел гандлю і паслуг адміністрацыі Ленінскага раёна Мінска. Там пацвердзілі: патрабаванні наконт упрыгожванняў сапраўды ёсць.

— Санта-Клауса нельга, атрымліваецца? — пацікавілася журналістка.

— Не, не. Атрымліваецца, Дзед Мароз наш, Снягурка традыцыйна… — адказала супрацоўніца адміністрацыі.

— Мы проста замовілі з Кітая такую фігурку, і там асабліва не зразумееш: гэта Дзед Мароз ці Санта-Клаус. Нібыта тоўсценькі, з барадой.

— Ну вось Санта-Клаус ужо не вітаецца. З барадой… Трэба, каб Дзеда Мароза замовілі звычайнага.

— А калі Снягурку побач паставіць, можа, сыдзе за Дзеда Мароза?

— Не. Санта-Клаус — ужо абмяркоўвалі, што не.

— Я яшчэ хацела ўдакладніць. Мы такую гірлянду замовілі — там алені і санкі. Аленяў можна? Яны ж у нас нібыта водзяцца.

— Алені нібыта водзяцца. На чым у нас Дзед Мароз едзе? На санях. А хто яго вязе? Конь нібыта. Не ведаю, што сказаць. Алені… Алені на санях… Ну, алені на санях — можа, і нічога.

— А калі нешта няправільна будзе, аштрафуюць? Ці проста прадпісанне будзе прыбраць?

— Скажуць, што няправільна, вядома. Што парушаюцца нашы славянскія традыцыі. Прыбраць скажуць. Ну што тут, ужо будзе цэлы скандал. Таму ўсё, як было ў старыя добрыя часы. Елка, Дзед Мароз, Снягурка. 

Варта згадаць, што ў мінулым годзе з Санта-Клаусам як навагоднім сімвалам змагалася вядомая даносчыца Вольга Бондарава.

Каментары7

  • Лол
    29.11.2024
    Санта Клаўс гэта Святы Мікалай, каторы ў беларускай традыцыі (і ў абсалютнай большасці славянскіх краін) з'яўляецца сімвалам Раства і Калядных святаў. Дзед Мароз, гэта расійская выдумка канца 19 ст., каторая не сустракаецца больш ні ў якой славянскай культуры. Снягурка, увогуле 1937 год.
  • А
    29.11.2024
    Забылі Зюзю беларусы, сумна і прыкра...
  • Галя з Камароу́кі
    30.11.2024
    А, адкуль выканкамау́скім начосаным цеткам ведаць пра Зюзю? У іхным светапоглядзе існуе толькі ялінка, дзед мароз і тазік аліу́е. А, і начос, кіпцюры да двух см і бліскучая сукенка.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай91

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць